ავტორი:

ბოლივუდის ვარსკვლავი, რომელიც საქართველოშიც პოპულარული იყო, 34 წლის ასაკში გარდაიცვალა

ბოლივუდის ვარსკვლავი, რომელიც საქართველოშიც პოპულარული იყო, 34 წლის ასაკში გარდაიცვალა

ინდოელი მსახიობი სუშანტ რაჯპუტი, მუმბაიში საკუთარ სახლში გარდაცვლილი იპოვეს. ამის შესახებ CNN წერს. ბოლივუდის ვარსკვლავი 34 წლის იყო.

IMBDის მიხედვით, მსახიობის დებიუტი ინდურ კინოში 2013 წელს შედგა, როცა ითამაშა ფილმში Kai Po Che!. მანამდე კი, ინდურ საპნის ოპერებში მონაწილეობდა.

2017 წელს სუშანტმა მელბურნის კინოფესტივალზე საუკეთესო მამაკაცი მსახიობის ჯილდო მიიღო.

მსოფლიოს მასშტაბით, მისი მონაწილეობით ყველაზე უფრო პოპულარული იყო სერიალი Pavitra Rishta, რომელიც ქართულ სატელევიზიო სივრცეშიც გადიოდა სახელით "ფიცი“. სუშანტს მთავარი როლი ჰქონდა და მის გმირს მანავი ერქვა. სერიალი 1000-ზე მეტ სერიას მოიცავდა და მას 2009-2014 წლებში იღებდნენ.

ის თანამედროვე თაობის ერთ-ერთ ყველაზე წარმატებულ ინდოელ მსახიობად მიიჩნეოდა. სუშანტის გარდაცვალების შემდეგ მსახიობის საზოგადოებასთან ურთიერთობის გუნდმა განცხადებაც გაავრცელა.

"მტკივნეულია გითხრათ, რომ სუშანტ რაჯპუტი ჩვენთან ერთად აღარ არის. ვთხოვთ მის გულშემატკივრებს, რომ არ დაივიწყონ“, - ნათქვამია განცხადებაში. სამძიმარი ინდოეთის პრემიერ მინისტრმა ნარენდრა მოდიმაც გამოხატა. როგორც ის "ტვიტერზე“ წერს, "ამბავი შოკისმომგვრელი იყო.“

"ჩემი გაკეთებულის ჭამა არ მიყვარს" - როგორ მოხვდა "მასტერშეფში" შოუს ყველაზე ექსცენტრიკული მონაწილე

დიდი სცენის შესარჩევი კონკურსი დასრულდა

"მადლობა, ამ მშვენიერი 12 წლისთვის" - კახა კალაძე და ანუკი არეშიძე ქორწინების იუბილეს აღნიშნავენ