ავტორი:

"მკითხა, გინდა ჩემთან ივარჯიშოო, დავთანხმდი და მის სოფელში წავედით..." - როგორ "იშვილა" პანდემიისას ქართველმა მწრთვნელმა ინდოელი ძიუდოისტი

"მკითხა, გინდა ჩემთან ივარჯიშოო, დავთანხმდი და მის სოფელში წავედით..." - როგორ "იშვილა" პანდემიისას ქართველმა მწრთვნელმა ინდოელი ძიუდოისტი

ინდოეთის პენჯაბისა და ჰარიანას შტატების ყოველდღიურ ინგლისურენოვან გაზეთ "The Tribune"-ში 20 ივნისის ნომერში გამოქვეყნდა სტატია, რომელშიც საქართველოში კორონავირუსის გავრცელების გამო ჩარჩენილი ინდოელი ძიუდოისტის თავგადასავალია გადმოცემული (ავტორი - რავი ჯალივალი).

გთავაზობთ პუბლიკაციას მცირე შემოკლებით:

"საქართველოს მთავარმა მწრთვნელმა, რომელმაც თავისი თანამემამულეს ზურაბ ზვიადაურს ათენის 2004 წლის ოლიმპიურ თამაშებში ოქროს მედალი მოაგებინა, ახლა, კორონავირუსის პანდემიის დროს, ინდოელი ძიუდოისტი ჯასლინ საინი "იშვილა", რომელიც მსოფლიო რეიტინგში 56-ე ადგილზეა. მამუკა ყიზილაშვილმა თავის სოფელში, კახეთის რეგიონში, ჯასლინ საინი არამარტო სამუშაოთი და საცხოვრებლით უზრუნველყო, არამედ მისი მწრთვნელიც გახდა.

ოლიმპიური თამაშები ტოკიოში რომ გეგმის მიხედვით გამართულიყო, ჯასლინ საინი მასში მონაწილეობას აუცილებლად მიიღებდა: მან საკვალიფიკაციო ნორმატივები ჩააბარა და აზიის კონტინენტურ კვოტაში თავისი ადგილი დაიკავა. ძიუდოს საერთაშორისო ფედერაციას მისი სახელი 29 ივნისს უნდა გამოეცხადებინა, მაგრამ პრეზენტაცია გადაიდო - თვით ოლიმპიური თამაშების გადადების გამო.

ჯასლინ საინი, პენჯაბის პოლიციის კონსტებლი, მეორე სპორტსმენია გურდასპურიდან (ქალაქი პენჯაბის შტატში - ს.კ.), რომელმაც ოლიმპიურ თამაშებში პაექრობის უფლება მოიპოვა. პირველი იყო ავტარ სინგჰი - რიო-დე-ჟანეიროს თამაშების მონაწილე. საერთოდ კი, ოლიმპიური თამაშების 124-წლიან ისტორიაში ინდოეთიდან სულ ოთხი ძიუდოისტი მონაწილეობდა.

ჯასლინ საინი, რომელმაც 66 კილოგრამიან წონით კატეგორიაში 2019 წელს გამართულ თანამეგობრობის ჩემპიონატსა და სამხრეთაზიურ თამაშებში ოქროს მედლები აქვს მოპოვებული, თბილისში 8 მარტს ჩავიდა ძიუდოს საერთაშორისო ტურნირში მონაწილეობისთვის, რომელიც 25 მარტს უნდა გამართულიყო, მაგრამ კორონავირუსის პანდემიის გავრცელების გამო, ტურნირი გაუქმდა. ასე აღმოჩნდა პენჯაბელი პოლიციელი-ძიუდოისტი მარტოდმარტო უცხო ქვეყანაში, თითქმის ჯიბეცარიელ მდგომარეობაში. მამუკამ, რომელიც საქართველოს ერთ-ერთი მაღალაანაზღაურებადი მწრთვნელია, ინდოელი ჭაბუკი თავის მშობლიურ ახმეტაში წაიყვანა და კვებით, საცხოვრებელი ბინით და სამუშაოთი უზრუნველყო. სხვათა შორის, ახმეტიდანაა ძიუდოისტი ზურაბ ზვიადაურიც, საქართველოს პარლამენტის ყოფილი წევრი. წაიკითხეთ სრულად

მოიგე „ხელფასი“ და აკეთე ყველაფერი, რაც გაგიხარდება!

ემოციური დამშვიდობება მაშველ ძაღლებთან - "ფანი, ჯესი, ბელა, სალი, ბინგო და რეი სამსახურებრივ მოვალეობას აღარ შეასრულებენ"

საქართველოში კორონავირუსის 2 ახალი შემთხვევა დაფიქსირდა - stopcov.ge-ს განახლებული მონაცემები