როგორ აღნიშნა ლეონარდო დიკაპრიომ 23 წლის შეყვარებულის დაბადების დღე - ფოტოები იახტაზე გამართული თავბრუდამხვევი წვეულებიდან

ჰოლივუდის ვარსკვლავმა ლეონარდო დიკაპრიომ თავისი მეგობარი გოგონას, კამილა მორონეს 23-ე დაბადების დღე იახტაზე აღნიშნა, სადაც წყვილმა ხმაურიანი წვეულება გამართა და მეგობრებს უმასპინძლა.

ამის შესახებ სხვადასხვა დასავლური ტაბლოიდი გამოცემა pagesix.com-ზე დაყრდნობით წერს.

გამოცემის ცნობით, დაბადების დღის წვეულების მთავარი თემა ველური დასავლეთი იყო და სტუმრებს "ქავბოის“ ქუდები ეფარათ. იახტა ლოს-ანჯელესის სანაპიროდან დილის 11:00 საათზე გავიდა და უკან 4:30 წუთზე დაბრუნდა.

გავრცელებულ ფოტოებზე ჩანს, რომ ლეონარდოს პირბადე უკეთია, თუმცა, ცხვირი უჩანს, რის გამოც, სოციალურ ქსელებში ის გააშარჟეს და ბევრი იუმორისტული კომენტარი დაწერეს, ფანები მას პირბადის გამოყენების წესებს ასწავლიან.

45 წლის დიკაპრიოსა და 23 წლის კამილა მორონეს სასიყვარულო ურთიერთობა უკვე სამ წელს ითვლის. მიუხედავად იმისა, რომ მათ დასაწყისიდანვე დაშორებას უწინასწარმეტყველებდნენ, დღემდე იდეალურ ურთიერთობას ინარჩუნებენ.

როგორც ცნობილია, ლეომ და კამილამ კარანტინის პერიოდიც ერთად გაატარეს და სრულ იდილიაში ცხოვრობენ. ამჯერად დასავლური ტაბლოიდები სულ უფრო ხშირად წერენ წყვილის მყარ კავშირზე და არ გამორიცხავენ, რომ კამილა აღმოჩნდეს ის გოგონა, რომელიც ჰოლივუდის ყველაზე მოუხელთებელ ვარსკვლავს დაქორწინებას გადააწყვეტინებს.