ავტორი:

დუშეთში ჩვილის ყიდვა-გაყიდვის ფაქტზე სამი პირი დააკავეს - "მშობლები შეუთანხმდნენ პირს, რომ 5000 აშშ დოლარის სანაცვლოდ შვილს მიყიდდნენ"

დუშეთში ჩვილის ყიდვა-გაყიდვის ფაქტზე სამი პირი დააკავეს - "მშობლები შეუთანხმდნენ პირს, რომ 5000 აშშ დოლარის სანაცვლოდ შვილს მიყიდდნენ"

სახელმწიფო უსაფრთხოების სამსახურის ანტიკორუფციული სააგენტოს თანამშრომლებმა, ჩატარებული ოპერატიულ-სამძებრო და საგამოძიებო მოქმედებების შედეგად, ჩვილის ყიდვა-გაყიდვის ფაქტზე სამი პირი დააკავეს.

სუს-ის ინფორმაციით, გამოძიებით დგინდება, რომ დუშეთში მცხოვრებ წყვილს, 2020 წლის 18 ივნისს ვაჟი შეეძინათ. დიდი ოდენობით შემოსავლის მიღების მიზნით, მათ განიზრახეს ბავშვის გაყიდვა. მშობლები დაუკავშირდნენ პირს, რომელსაც შეუთანხმდნენ, რომ 5000 აშშ დოლარის სანაცვლოდ შვილს მიყიდდნენ, რაზეც მან თანხმობა განუცხადა. რის შემდეგაც, აღნიშნული პირი სამოქალაქო რეესტრში ახალშობილის მამად დარეგისტრირდა და აიღო დაბადების მოწმობა. შეთანხმებისამებრ, 5000 აშშ დოლარი კი ახალშობილის მშობლებს გადასცა, რა დროსაც მოხდა მათი დაკავება.

გამოძიება, არასრულწლოვნის მიმართ უკანონო გარიგების ფაქტზე მიმდინარეობს, რაც სასჯელის სახით ორიდან ხუთ წლამდე ვადით თავისუფლების აღკვეთას ითვალისწინებს.

გამოძიებას აწარმოებს საქართველოს სახელმწიფო უსაფრთხოების სამსახურის ანტიკორუფციული სააგენტო.

ორი წლის შემდეგ დაკავებული დამნაშავე - პოლიციელს, რომელმაც ავარიით 20 წლის ქეთი მითაგვარიას სიცოცხლე იმსხვერპლა, პატიმრობა შეეფარდა

გიორგი შაქარაშვილის საქმის ახალი დეტალები - აგარაკზე საქმის გასარჩევად თბილისიდან სპორტსმენები გამოიძახეს?

19 წლის ფეხბურთელის საქმეზე თავისუფლების უკანონო აღკვეთას კიდევ ერთი მუხლი დაემატა