ვინ იყო კორონავირუსით გარდაცვლილი მე-15 პაციენტი - დაავადებათა კონტროლის ცენტრის მონაცემები

საქართველოში ახალი კორონავირუსით მე-15 პაციენტი გარდაიცვალა. შესაბამისი ინფორმაცია მთავრობის მიერ შექმნილ სპეციალურ ვებგვერდზე stopcov.ge-ზეა განთავსებული.

დაავადებათა კონტროლის ცენტრის მონაცემების თანახმად, გადაცვლილი პაციენტი 82 წლის მამაკაცია, საქართველოს მოქალაქე, რომელიც ერთ-ერთი მეზობელი ქვეყნიდან შემოვიდა. ცენტრისვე ინფორმაციით, გარდაცვლილს მრავლობითი თანმხლები დაავადებები ჰქონდა, პაციენტი ბოლო ორი კვირის განმავლობაში ხელოვნურ ვენტილიაციაზე იმყოფებოდა.

ცნობისთვის, საქართველოში კორონავირუსით ინფიცირების შემთხვევათა რაოდენობა 3-ით გაიზარდა და 924 გახდა.

რაც შეეხება გამოჯანმრთელებულთა რიცხვს, ქვეყანაში კორონავირუსისგან კიდევ 4 ადამიანი გამოჯანმრთელდა. შესაბამისად, მათ რაოდენობა 785-ს შეადგენს.

კარანტინის რეჟიმშია 2819 ადამიანი, ხოლო სტაციონარში მეთვალყურეობის ქვეშ 230 პირი.

ამასთან, უცხოეთიდან სამკურნალოდ გადმოყვანილია საქართველოს 3 მოქალაქე.