ოჯახური კონფლიქტის გამო ადგილზე მისული პატრული მამაკაცმა დაჭრა, შემდეგ კი მეშვიდე სართულიდან გადახტა - ფოტოები შემთხვევის ადგილიდან
თემქაზე ოჯახში მომხდარი დაპირისპირების შემდეგ, ცოლმა პატრული გამოიძახა. ადგილზე მისულ საპატრულო სამსახურის თანამშრომელს მამაკაცი ცივი იარაღით თავს დაესხა, რის შემდეგაც საცხოვრებელი კორპუსის მეშვიდე სართულის სადარბაზოდან გადახტა. აღნიშნულთან დაკავშირებით, შსს განცხადებას ავრცელებს.
"საპატრულო პოლიციის ეკიპაჟი ოჯახურ კონფლიქტთან დაკავშირებით შესული შეტყობინების საფუძველზე გამოცხადდა თემქის დასახლებაში მდებარე ერთ-ერთ საცხოვრებელ კორპუსში, რა დროსაც შეტყობინების ინიციატორის მეუღლე - 1985 წელს დაბადებული გ.კ. გახდა აგრესიული და ამავე კორპუსის მე-4 სართულზე, სადარბაზოში, ადგილზე მისულ პატრულ-ინსპექტორს დ.ბ. -ს ცივი იარაღის გამოყენებით, მარცხენა ზედა კიდურის არეში მიაყენა ჭრილობა, რის შემდეგაც ამავე კორპუსის მეშვიდე სართულის სადარბაზოდან გადმოხტა.
აღნიშნული პიროვნება სამედიცინო დაწესებულებაში მიყვანიდან მალევე გარდაიცვალა. რაც შეეხება დაჭრილ პატრულ-ინსპექტორს, დ.ბ. -ს ის მოთავსებულია სამედიცინო დაწესებულებაში, მისი სიცოცხლეს საფრთხე არ ემუქრება", - ნათქვამია შსს-ს განცხადებაში.
ავარია ქედაში: ავტომანქანის ხევში გადავარდნას ერთი ადამიანი ემსხვერპლა, არიან დაშავებულები
"ძიძას გადმოუვარდა... კორპუსიდან კიოდა - "ბავშვი, ბავშვიო" - მე-6 სართულიდან გადმოვარდნილი არასრულწლოვნის მდგომარეობა უკიდურესად მძიმეა
