ავტორი:

"ჩემი ინფორმაციით, იაკობ ბრეგვაძე ინახავს ფოტოაპარატს, რომლითაც იღებდა შაქარაშვილის გაუჩინარების დროს" - რას წერს პოლიციელი პატაკში

"ჩემი ინფორმაციით, იაკობ ბრეგვაძე ინახავს ფოტოაპარატს, რომლითაც იღებდა შაქარაშვილის გაუჩინარების დროს" - რას წერს პოლიციელი პატაკში

19 წლის ფეხბურთელის გიორგი შაქარაშვილის გარდაცვალებასთან დაკავშირებით ახალი დეტალები ხდება ცნობილი. კერძოდ, "რადიო თავისუფლება" აქვეყნებს, შსს მცხეთის რაიონული სამმართველოს დეტექტივის თანაშემწე-გამომძიებლის პატაკს, სადაც სამართალდამცავი ვარაუდს გამოთქვამს, რომ არაგვის ხეობაში მომხდარი მოწმე ფოტოგრაფმა იაკობ ბრეგვაძემ საკუთარი ფოტოაპარატით გადაიღო.

"ჩემს ხელთ არსებული ინფორმაციით, იაკობ ბრეგვაძე პირადად ინახავს "სონის" ციფრულ ფოტოაპარატს, რომლითაც იგი სურათებს იღებდა 2020 წლის 18 ივნისს, ნარეკვავის დასახლებაში მომხდარი ძალადობისა და გიორგი შაქარაშვილის გაუჩინარების დროს და იგი აპირებს აღნიშნული ფოტოაპარატის განადგურებას“, - ნათქვამია პატაკში, რომელიც 22 ივნისს არის დაწერილი და რომლითაც გამომძიებელი მცხეთის რაიონული სამმართველოს უფროსის მოადგილეს რეაგირებისთვის მიმართავს.

ცნობისთვის, იაკობ ბრეგვაძე გიორგი შაქარაშვილის საქმის ერთ-ერთი მთავარი მოწმეა. იმ დროს როდესაც მაგისტრალზე მიმავალ ახალგაზრდებს თავს დაესხნენ, გიორგი შაქარაშვილმა და რამდენიმე ახალგაზრდამ, მათ შორის იაკობმა გადაწყვიტეს მათგან თავი გაქცევით დაეღწიათ.

როგორც რამდენიმე დღის წინ "ინტერპრესნიუსისთვის" მიცემულ ინტერვიუში ფოტოგრაფმა აღნიშნა, მან თავი იქვე მყოფ მიტოვებულ შენობას შეაფარა და სწორედ ამის შემდეგ დარეკა პოლიციაში და მომხდარის შესახებ აცნობა.

შეგახსენებთ, რომ 19 ივნისს, დაახლოებით 11:00 საათზე, გიორგი შაქარაშვილის დაკარგვის შესახებ ოჯახმა შინაგან საქმეთა სამინისტროს მიმართა. პოლიციამ, სამაშველო სამსახურთან ერთად, შეტყობინების მიღებისთანავე დაიწყო სამძებრო სამუშაოები.

4-დღიანი საძიებო სამუშაოების შედეგად, მყვინთავებმა ფეხბურთელ გიორგი შაქარაშვილის ცხედარი წყალში იპოვეს. მომხდარზე დაკავებულია 17 პირი, მათ შორის არიან მორაგბეები, ძიუდოისტი და ფეხბურთელი. ყველა დაკავებულს მცხეთის სასამართლომ წინასწარი პატიმრობა შეუფარდა.

ჯგუფური ძალადობის ბრალდებით დაკავებულ 5 პირს, რომელთა შორის ერთ-ერთი ევროპის ჩემპიონატის ფინალისტი მოჭიდავეა, პატიმრობა შეეფარდა

შსს-მ,  ჯგუფურად ჩადენილი ძალადობის ბრალდებით, ევროპის ჩემპიონატის ფინალისტი მოჭიდავე დააკავა

"სავარაუდოდ, ვინც მისდევდნენ, დაეწივნენ, სცემეს და გადააგდეს წყალში" - რას ყვება შაქარაშვილის ბიძა "მთავართან" საუბარში