"სახლიდან იპოდრომზე გაპარული პატრულს ორ წუთში მოჰყავს სახლში" - რისთვის უხდის მადლობას "მთავარი არხის" ჟურნალისტი 112-სა და პოლიციას

"მთავარი არხის" ჟურნალისტი პაატა იაკობაშვილი საპატრულო პოლიციას და 112-ს მადლობას უხდის. პოსტს ის სოციალურ ქსელში აქვეყნებს, სადაც წერს, რომ სწორედ სამართალდამცველებისა და 112-ის ოპერატორების წყალობით სახლიდან გაპარული მისი მცირეწლოვანი შვილი სახლში დროულად დაბრუნდა.

"ორჯერ ბაღიდან გაპარვის შემდეგ მასშტაბი გაზარდა და გაიპარა სახლიდან იპოდრომზე... ალბათ, მომავალშიც ასე გააგრძელებს.

მთავარია, რომ სამყარო აინტერესებს და კარგი ადამიანები არსებობენ - რეკავენ 112-ში და პატრულს ორ წუთში მშვიდობით მოჰყავს სახლში. მადლობა ყველას" - წერს იაკობაშვილი.