"ჩემს მეხსიერებაში მარად ბავშვად დარჩება. სწორედ ამ ბავშვის სიკვდილი განვიცადე ასე მწარედ 2006 წლის 24 თებერვალს" - "მეფის" გარდაცვალებიდან 15 წელი გავიდა

2006 წლის 24 თებერვალს ირაკლი ჩარკვიანი 45 წლის ასაკში გარდაიცვალა. დღეს მეფის გარდაცვალებიდან 15 წელი გავიდა... ამასთან დაკავშირებით, მომღერლის ცნობილი მამა, გელა ჩარკვიანი სოციალურ ქსელში ემოციურ პოსტს აქვეყნებს:

"15 წელი ირაკლის გარდაცვალებიდან... ჩემთვის დღესაც ორი ირაკლი არსებობს: ერთი - ჩემი და ნანას პირმშო. ის ჩემს მეხსიერებაში მარად ბავშვად დარჩება. სწორედ ამ ბავშვის - ირაკლის სიკვდილი განვიცადე ასე მწარედ 2006 წლის 24 თებერვალს. მეორე - მიამიტი და იმავდროულად უჩვეულო ნიჭით დაჯილდოებული შემოქმედი. ის არ მომკვდარა. „სათქმელი თქვა და უბრალოდ კარი გაიხურა“, - წერს გელა ჩარკვიანი.

მეუღლის გარდაცვალების დღესთან დაკავშირებით, ირაკლი ჩარკვიანის ლექსს აქვეყნებს ქეთათო ჩარკვიანი.

ასევე ნახეთ:

• რას იხსენებს მეფესთან ბოლო შეხვედრაზე ირაკლი ჩარკვიანის და თეონა - "სულ უკმარისობა მაქვს, რატომ არ ვუთხარი, როგორ მიყვარდა"
• გელა ჩარკვიანის თვალით დანახული ირაკლი ჩარკვიანი
• ''მეფის'' ცოლები - ირაკლი ჩარკვიანის სამი საბედისწერო ქალი