მამისა და ბაბუის მკვლელობაში ბრალდებული, რომელიც მიმალვაში იყო, პოლიციამ დააკავა

მამისა და ბაბუის მკვლელობაში ბრალდებული, რომელიც მიმალვაში იყო, პოლიციამ დააკავა. AMBEBI.GE-ს ინფორმაციით, 30 წლამდე, წარსულში ნასამართლევი გიორგი ო. სამართალდამცველებმა ცოტა ხნის წინ აიყვანეს.

აღნიშნულთან დაკავშირებით შინაგან საქმეთა სამინისტრო განცხადებას მოგვიანებით გაავრცელებს.

ცნობისთვის, შემზარავი შემთხვევა მუხრანში რამდენიმე დღის წინ მოხდა. არსებული ინფორმაციით, 30 წლამდე, წარსულში ნასამართლევმა გიორგი ო-მ, რომელმაც ციხე რამდენიმე დღის წინ დატოვა, მძინარე მამას და ბაბუას ყელი გამოჭრა, რის შემდეგაც ავტომობილი გაიტაცა და მიიმალა.

მეზობლები მკვლელობის სავარაუდო მიზეზის რამდენიმე ვერსიაზე საუბრობენ. ერთ-ერთი ვერსიით, შვილიშვილმა ბაბუა იმის გამო მოკლა, რომ მამაკაცი რძალზე (ბრალდებულის დედაზე) წლების განმავლობაში სექსუალურად ძალადობდა.

• წაიკითხეთ: "გიორგი მათ გაზარდეს არასწორად... მოხვდა ციხეში, გამოვიდა და ჩაიდინა ეს" - რას ყვება მამისა და ბაბუის მკვლელობაში სავარაუდო ბრალდებულის დედა