ავტორი:

გიორგი შაქარაშვილის მშობლები შსს-ს და პროკურატურის ხელმძღვანელობას შეხვდნენ

გიორგი შაქარაშვილის მშობლები შსს-ს და პროკურატურის ხელმძღვანელობას შეხვდნენ

19 წლის გარდაცვლილი ფეხბურთელის გიორგი შაქარაშვილის ბიძის, მირიან ნიკოლაძის განცხადებით, შაქარაშვილის მშობლები შინაგან საქმეთა სამინისტროსა და გენერალური პროკურატურის ხელმძღვანელობას შეხვდნენ.

როგორც მან დღევანდელ პრესკონფერენციაზე განაცხადა, დაახლოებით 2 კვირის ვადაში უნდა მოხდეს იმ პირებისთვის ბრალის წარდგენა, ვისაც შესაძლოა, შაქარაშვილის გარდაცვალების ფაქტთან შეხება ჰქონდა. ჟურნალისტების კითხვაზე, „ტოიოტა ქემრის“ 6 მგზავრისთვის ბრალის დამძიმებაზე პირობითი ვადა მიეცა თუ არა საგამოძიებო უწყებას, ნიკოლაძემ განმარტა, რომ ეს ვადა 40 დღიანი იყო, საიდანაც დაახლოებით 2 კვირაა დარჩენილი.

"გარდაცვლილის დედას და მამას შეხვედრა ჰქონდა როგორც შინაგან საქმეთა სამინისტოს ხელმძღვანელობასთან, ასევე გენერალური პროკურატურის ხელმძღვანელობასთან. ჩამოყალიბდნენ ასეთ პოზიციაზე, რომ გამოძიების ვადაში უნდა მოხდეს ამ პირებისთვის კონკრეტული მუხლების წარდგენა.

რომ არ დაიბნეთ და იცოდეთ, არასრუწლოვნების სპეციფიკიდან გამომდინარე, თუ არ ვცდები, ეს ვადა 40 დღიანი იყო. უკვე დარჩენილია არაუმეტეს 2 კვირისა, როგორც მახსოვს. შესაბამისად, ამ ვადაში აუცილებლად უნდა მოხდეს ბრალის წარდგენა ყველა პირთან დაკავშირებით“, - განაცხადა ნიკოლაძემ.

ექსპერტიზის დასკვნით, გიორგი შაქარაშვილის სიკვდილის მიზეზია ასფიქსია წყალში დახრჩობით. გენერალური პროკურატურის ინფორმაციით, შაქარაშვილის გარდაცვალების საქმეზე უკვე არსებულ კვალიფიკაციას დამამძიმებელ გარემოებებში ჯგუფურად განხორციელებული განზრახ მკვლელობა დაემატა. შეგახსენებთ, რომ 22 ივნისს, 4-დღიანი უწყვეტი საძიებო სამუშაოების შედეგად, მყვინთავებმა გიორგი შაქარაშვილის ცხედარი წყალში იპოვეს. შაქარაშვილის გარდაცვალების საქმეზე დაკავებულია 17 პირი.

"მოვისმინე  დაზარალებულის ოჯახის პოზიცია - ეს იყო ემოციურად შეფასებული ექსპერტიზის დასკვნა" - მორაგბის ადვოკატი

ექსკურსიაზე გარდაცვლილი მოსწავლის საქმეზე ბრალდებულ პედაგოგებს აღკვეთის ღონისძიება შეუფარდა

"ექსპერტიზის დასკვნით დადასტურებულია, რომ გიორგი მოკლეს და შემდგომ გადააგდეს არაგვში" - გიორგი შაქარაშვილის ბიძა