აგვისტოს ომის მონაწილე რუსი მფრინავი ამ დრომდე დაკარგულად ითვლება

ბომბდამშენი Ту-22М3-ის ეკიპაჟის მეთაურის, ვიცე-პოლკოვნიკ ალექსანდრ კოვენცოვის ბედი ამ დრომდე გაურკვეველია, - განაცხადა რუსეთის სამხედრო-საჰაერო ძალების მეთაურმა პოლკოვნიკმა ალექსანდრ ზელინმა.

"ჩვენ მხოლოდ ერთი პრობლემა გვაქვს – ეს ვიცე-პოლკივნიკი კოვენცოვია, რომელიც, სამწუხაროდ, ჯერაც ვერ მოვიძიეთ", - განაცხადა ზელინმა "Эхо Москвы"-ს ეთერში.

რუსეთის სამხედრო-საჰაერო ძალების სარდლობა მფრინავს კვლავაც "უგზო-უკვლოდ დაკარგულად" მიიჩნევს.

თვითმფრინავი Ту-22М3 2008 წლის აგვისტოში ე.წ. სამხრეთ ოსეთში ოპერაციის დროს ჩამოაგდეს. ეკიპაჟის ორი დაღუპული წევრი საძიებო სამსახურის წარმომადგენლებმა იპოვნეს, თუმცა მესამე წევრს - კოვენცოვს ვერსად მიაკვლიეს. კატაპულტირების ადგილზე მხოლოდ მფრინავის კატაპულტის სავარძელი და პარაშუტი აღმოჩნდა.

მომზადებულია newsru.com-ის მიხედვით.