ავტორი:

"დღეს შაქარას გუნდმა მის გარეშე პირველი მატჩი ჩაატარა... "სპაერი" 2:0 დაამარცხა! ყველა გოლი შენ გეძღვნება შაქარ!" - კლუბი "საბურთალო

"დღეს შაქარას გუნდმა მის გარეშე პირველი მატჩი ჩაატარა... "სპაერი" 2:0 დაამარცხა! ყველა გოლი შენ გეძღვნება შაქარ!" - კლუბი "საბურთალო

კლუბ "საბურთალომ" დღეს გიორგი შაქარაშვილის გარეშე პირველი მატჩი ჩაატარა. ამის შესახებ კლუბის მიერ "ფეისბუქზე" გავრცელებულ ინფორმაციაშია ნათქვამი.

"ჩვენმა გუნდმა ამხანაგურ შეხვედრაში "სპაერი" 2:0 დაამარცხა! ყველა გოლი და გამარჯვება შენ გეძღვნება შაქარ!" - აღნიშნავენ კლუბის წევრები.

გარდაცვლილი 19 წლის ფეხბურთელი გიორგი შაქარაშვილი "საბურთალოში" წლების განმავლობაში თამაშობდა და ყველა წევრს თავი განსაკუთრებით დაამახსოვრა და შეაყვარა. მას ემოცირად იხსენებს კლუბის პრეზიდენტი ტარიელ ხეჩიკაშვილი.

"მინდა გითხრათ, რომ ძალიან მობილიზებული იყო. არასოდეს ურთიერთობები არ შეშლია. ყველასთან თქვენობით ლაპარაკობდა, ძალიან თავაზიანი იყო, როგორც სპორსტმენი - პერსპექტიული. ბებიამ დაატირა და ეს არ ამოვა ჩემი გონებიდან... როდესაც "საბურთალო 2"-ში მოხვდა ეს იყო მოტივაცია და ბებოსთვის უხარებია, ბებო, "საბურთალოს პირველში" მოვხვდები მალე და წავალ ევროპაშიო. ძალიან მიზანდასახული იყო" - განაცხადა ხეჩიკაშვილმა "პალიტრანიუსის" ეთერში.

შეგახსენებთ, რომ 19 ივნისს, დაახლოებით 11:00 საათზე, გიორგი შაქარაშვილის დაკარგვის შესახებ ოჯახმა შინაგან საქმეთა სამინისტროს მიმართა. პოლიციამ, სამაშველო სამსახურთან ერთად, შეტყობინების მიღებისთანავე დაიწყო სამძებრო სამუშაოები.

4-დღიანი საძიებო სამუშაოების შედეგად, მყვინთავებმა ფეხბურთელ გიორგი შაქარაშვილის ცხედარი წყალში იპოვეს. მომხდარზე დაკავებულია 17 პირი, მათ შორის არიან მორაგბეები, ძიუდოისტი და ფეხბურთელი. ყველა დაკავებულს მცხეთის სასამართლომ წინასწარი პატიმრობა შეუფარდა.

გუშინ გახდა ცნობილი ექსპერტიზის დასკვნა, რომლის მიხედვით გიორგი შაქარაშვილი გარდაცვალების მიზეზი ასფიქსია გახდა. ამავდროულად, გიორგი შაქარაშვილის ცხედარზე აღინიშნება სიკვდილის წინა ახლო პერიოდში მკვრივი-ბლაგვი საგნის მოქმედებით მიყენებული, სიცოცხლისდროინდელი დაზიანებები შუბლის/თავის, ორივე თვალბუდის, ზედა და ქვედა ტუჩის მიდამოებში, მარჯვენა იდაყვის სახსრისა და მარჯვენა წინამხრის მიდამოებში, აგრეთვე მუცლის, საზარდულის, ბოქვენის, წელისა და ორივე დუნდულოს მიდამოებში.

ექსპერტიზის დასკვნისა და საქმეში არსებული სხვა მტკიცებულებების ერთობლივი ანალიზის საფუძველზე სისხლის სამართლის საქმის უკვე არსებულ კვალიფიკაციას დაემატა დამამძიმებელ გარემოებებში ჯგუფურად განხორციელებული განზრახ მკვლელობა, დანაშაული გათვალისწინებული საქართველოს სისხლის სამართლის კოდექსის 109-ე მუხლის მე-2 ნაწილის „ე“ ქვეპუნქტით და გამოძიება გიორგი შაქარაშვილის გარდაცვალების ნაწილში წარიმართება აღნიშნული კვალიფიკაციით.

ინფორმაცია მშობლებისთვის - ხვალიდან პირველკლასელთა რეგისტრაციის IV ეტაპი იწყება

საქართველოში კორონავირუსის 5 ახალი შემთხვევაა - stopcov.ge-ს დღევანდელი მონაცემები

რას ამბობს სოფო ხალვაში ბათუმის მერის თანამდებობიდან წასვლის შესახებ გავრცელებულ ინფორმაციაზე