საქართველოში კორონავირუსის 4 ახალი შემთხვევა გამოვლინდა - stopcov.ge-ს ახალი მონაცემები

საქართველოში კორონავირუსის 4 ახალი შემთხვევა გამოვლინდა და ჯამში, ინფიცირებულთა რაოდენობა 999-მდე გაიზარდა. ამის შესახებ ინფორმაცია მთავრობის სპეციალურ ვებ-გვერდ stopcov.ge-ზე გამოქვეყნდა. რაც შეეხება გამოჯანმრთელებულებს, მათი რიცხვი 13-ით გაიზარდა და 870-ს შეადგენს.

ინფექციური საავადმყოფოს სამედიცინო დირექტორის, მარინა ეზუგბაიას განცხადებით, კორონავირუსით ინფიცირების 4-ვე ახალი შემთხვევა იმპორტირებულია. როგორც მან ჟურნალისტებთან საუბრისას განმარტა, ყველა მათგანი სატვირთო ავტომანქანის მძღოლია.

"დაგვემატა 4 ახალი დადასტურებული შემთხვევა, გამოჯანმრთელებულების რიცხვი 13-ით გაიაზარდა, ამ ეტაპზე კოვიდცენტრებში 142 დადასტურებული პაციენტი მკურნალობს. 4 შემთხვევიდან 4-ვე არის შემოტანილი, ანუ იმპორტირებული და ყველა არის სატვირთო ავტომანქანის მძღოლი", - განაცხადა ეზუგბაიამ.

უცხოეთიდან სამკურნალოდ გადმოყვანილია საქართველოს 31 მოქალაქე.

კორონავირუსის შედეგად ქვეყანაში 15 პაციენტი გარდაიცვალა. კარანტინის რეჟიმში 5001 მოქალაქე იმყოფება, სტაციონარში მეთვალყურეობის ქვეშ კი - 219.