საქართველოში კორონავირუსის დადასტურებული შემთხვევების რაოდენობა 1004-მდე გაიზარდა

საქართველოში კორონავირუსის 1 ახალი შემთხვევა გამოვლინდა და ჯამში, ინფიცირებულთა რაოდენობა 1004-მდე გაიზარდა. ამის შესახებ ინფორმაცია მთავრობის სპეციალურ ვებ-გვერდ stopcov.ge-ზე გამოქვეყნდა.

1 ახალი შემთხვევა სავარაუდოდ, ის 10 თვის ბავშვია, რომელსაც კორონავირუსი სოფელ ყარაჯალაში დაუდასტურდა. ის ამჟამად თბილისის ბავშვთა ინფექციურ საავადმყოფოშია გადაყვანილი.

ბავშვის მდგომარეობა სტაბილურია. მას ვირუსი მსუბუქი ფორმით აქვს. ამის შესახებ „ინტერპრესნიუსს“ თბილისის ბავშვთა ინფექციური საავადმყოფოს დირექტორმა მამუკა მაჭავარიანმა განუცხადა.

მისი თქმით, ამ ეტაპზე ეპიდემიოლოგები ინფიცირების წყაროს დადგენაზე მუშაობენ.

„აბსოლუტურად არ აქვს ცხელებაც კი. ძალიან კარგად არის ბავშვი, უბრალოდ აქვს დადასტურებული კოვიდი. ვირუსის მსუბუქი ფორმა აქვს. რაც შეეხება დაინფიცირებას, ამაზე ეპიდემიოპლოგები მუშაობენ. თვითონ ოჯახში ვერ აკონკრეტებენ წყაროს. ჩვენი ინფორმაციით, ოჯახში კოვიდი არავის არ აქვს დადასტურებული“, - განაცხადა მამუკა მაჭავარიანმა.

stopcov.ge-ს თანახმად, ქვეყანაში გამოჯანრთელებულთა რიცხვი 873-ს შეადგენს. კორონავირუსით ქვეყანაში 15 პაციენტი გარდაიცვალა.

უცხოეთიდან სამკურნალოდ გადმოყვანილია საქართველოს 31 მოქალაქე. კარანტინის რეჟიმში 5640 მოქალაქე იმყოფება, სტაციონარში მეთვალყურეობის ქვეშ კი - 244 პირი.