"ბევრი მტკიცებულებაა ადგილზე, რაც გამოძიებას დაეხმარება" - ვინ არის ქუთაისში სასტიკად მოკლული ქალი და რას ყვებიან ახლობლები
ახალგაზრდა ქალი, რომელიც ქუთაისში, საცხოვრებელ სახლში ყელგამოჭრილი ნახეს, 30 წლის ელისო ჩეჩელაშვილია. შემზარავი ტრაგედია 18 ივლისს, გამსახურდიას ქუჩაზე მოხდა. 30 წლამდე ქალი სახლში ცივი იარაღით მოკლული იპოვეს.
მომხდარი მკვლელობის ფაქტზე ამ დრომდე არავინ დაუკავებიათ. გარდაცვლილი ელისო ჩეჩელაშვილის ცხედარი ექსპერტიზიდან უკვე გადაასვენეს ოჯახში.
ოჯახის ახლობლების თქმით, მათ მომხდართან დაკავშირებით დეტალები არ იციან, თუმცა ამბობენ, რომ რამდენიმე ვერსია განიხილება. მათი თქმით, სხეულს მრავლობითი ჭრილობა აღენიშნება.
"არ ვიცით, რა მოხდა შემთხვევის ადგილზე, არც სავარაუდო მკვლელის შესახებ ვიცით რამე. რამდენიმე თვის წინ გადავიდა იმ ბინაში, მეგობართან ერთად. ის გოგო იმ საღამოს მუშაობდა და ბინაში არ იყო. მთელი სისასტიკით ჩადენილი დანაშაულია, გარდაცვლილს რამდენიმე ჭრილობა აღენიშნება, მათ შორის სახის არეში. მოტოვი არ ვიცით. ჯერ ჩვენ არ გავცნობივართ საქმის მასალებს, მაგრამ ჩვენი ინფორმაციით, ბევრი მტკიცებულებაა ადგილზე, რაც გამოძიებას დაეხმარება. ელისოს კონფლიქტი არავისთან ქონია, კეთილი ადამიანი იყო ძალიან და ამიტომ არ ვიცით, რა შეიძლება მომხდარიყო, ეჭვიც არ გვაქვს, ვინ შეიძლება ყოფილიყო ", - აცხადებენ ახლობლები.
მომხდარზე გამოძიება 108-ე მუხლით მიმდინარეობს. პოლოციამ უკვე გამოკითხა გარდაცვლილის მეზობლები. არსებული ინფორმაციით, ახალგაზრდა ქალი შველას ითხოვდა და ყვიროდა, თუმცა ადგილზე სამაშველო დაახლოებით ორი საათის მერე გამოიძახეს. მათ კარი გააღეს და ქალი გარდაცვლილი დახვდათ.
"გადავწყვიტე, პირველად დავაფიქსირო საჯაროდ ჩემი პოზიცია მომხდართან დაკავშირებით" - რას წერს ანა გაბეჩავა "ფეისბუქზე"
"დაუყოვნებლივ მოხდეს თამარ ბაჩალიაშვილის მამის დაზარალებულის უფლებამონაცვლედ ცნობა" - კიდევ რას მოითხოვს ოჯახის ადვოკატი?
