COVID-19-ით ინფიცირებული აიშვარია რაი კლინიკაში გადაიყვანეს
ბოლივუდის ვარსკვლავს, ყოფილ "მის მსოფლიოს“, აიშვარია რაის, COVID-19 დაახლოებით, ერთი კვირის წინ დაუდგინდა და მას სახლში მკურნალობდნენ, თუმცა ვირუსის დადასტურებიდან ერთი კვირის შემდეგ, მსახიობის ჰოსპიტალიზება გახდა საჭირო. ამის შესახებ BBC წერს.
კორონავირუსითაა ინფიცირებულია აიშვარიას გოგონა, არადიაც. დედა-შვილს მუმბაის ერთ-ერთ კლინიკაში მკურნალობენ.
COVID-19- ის დიაგნოზით რამდენიმე დღეა კლინიკაში არიან მოთავსებულნი აიშვარია რაის ქმარი და მამამთილიც. ექიმების თქმით, მათი მდგომარეობა "საშუალო სირთულისაა".
ჯერჯერობით უცნობია ოფიციალური ინფორმაცია თავად აიშვარიასა და მისი ქალიშვილის ჯანმრთელობის მდგომარეობის შესახებ, თუმცა ვინაიდან კლინიკაში გადაყვანა გახდა საჭირო, მედიაში ვარაუდობენ, რომ ვირუსული მდგომარეობა შედარებით დამძიმდა.
ინდოეთი იმ ქვეყნებს შორისაა, რომლებზეც კორონავირუსის პანდემიამ უმძიმესი გავლენა მოახდინა. ინფიცირებულთა საერთო რაოდენობა 1.1 მილიონს შეადგენს, ამ მონაცემით მსოფლიოს მესამე ქვეყანაა და მხოლოდ აშშ-სა და ბრაზილიას ჩამორჩება. გარდაცვლილია 27 ათასი პაციენტი, ხოლო გამოჯანმრთელებულთა რაოდენობა 696,073-ს აღწევს.
რამზან კადიროვი მაიკ პომპეოს საპასუხო სანქციებს უწესებს - "ამოქმედდეს ყველა სანქცია, მათ შორის, ანგარიშების დაბლოკვის შესახებ"
რუსეთში მოღვაწე სომეხ ჟურნალისტს სომხეთის პატრიარქმა ეროვნება ჩამოართვა, მისი ფოტო ტაძრიდან გამოიტანა და არაქსში ჩააგდო
