უკრაინაში უცნობმა პირმა მგზავრებით სავსე ავტობუსი გაიტაცა - ისმოდა სროლის ხმა
უკრაინაში, ლუცსკში უცნობმა პირმა მგზავრებით სავსე ავტობუსი გაიტაცა. არსებული ინფორმაციით, მას მძევლად 20-მდე ადამიანი ჰყავს აყვანილი. ამის შესახებ ინფორმაციას unian.ua ავრცელებს. გამოცემის ცნობით, შემთხვევა დღეს, 21 ივლისს, ლუცსკის თეატრთან მოხდა.
ისმოდა სროლის ხმა. ტერიტორია გარშემორტყმულია სპეცრაზმელებით. სამართალდამცავთა თქმით, უცნობ მამაკაცს, რომელმაც ავტობუსი გაიტაცა, აქვს იარაღი და ასაფეთქებელი მოწყობილობა.
უკრაინული მედიის ინფორმაციით, გამტაცებელმა ვიდეო ჩაწერა და სოციალურ ქსელ "ტვიტერში“ პოსტი გამოაქვეყნა. მამაკაცი, რომელიც თავის თავს მაქსიმ პლოხის უწოდებს, ითხოვს, მაღალჩინოსნებმა ვიდეომიმართვა ჩაწერონ, სადაც იტყვიან, რომ "კანონიერი ტერორისტები“ არიან. კერძოდ, ის აღნიშნული შინაარსის ვიდეომიმართვის გავრცელებას სასამართლოების, სამინისტროების, პროკურატურის, პარლამენტისა და ეკლესიის მეთაურებისგან ითხოვს.
ჯერჯერობით დამატებითი დეტალები არ ვრცელდება. ასევე უცნობია, არიან თუ არა დაშავებულები.
ვლადიმერ ზელენსკი გამტაცებელს დაელაპარაკა - ავტობუსიდან სამი მძევალი გათავისუფლდა
"მაქსიმ პლახოი" პოლიციასთან მოლაპარაკებაზე წამოვიდა - ბოლო ინფორმაცია უკრაინიდან
