ოკუპირებულ აფხაზეთში კორონავირუსით ინფიცირებული პაციენტი გარდაიცვალა

ოკუპირებულ აფხაზეთში კორონავირუსით ინფიცირებული პაციენტი გარდაიცვალა. ამის შესახებ ekhokavkaza.com წერს. გამოცემის ცნობით, ინფიცირებული 26 ივლისს გუდაუთის ცენტრალურ საავადმყოფოში გარდაიცვალა.

ის თავდაპირველად სოხუმის კარდიოლოგიურ კლინიკაში მკურნალობდა და გუდაუთის საავადმყოფოში გარდაცვალებამდე ერთი დღით ადრე გადაიყვანეს.

არსებული ინფორმაციით, პაციენტს ჰქონდა თანმდევი დაავადებები, გულთან დაკავშირებული პრობლემები. გარდაცვლილის ასაკის შესახებ ჯერჯერობით ინფორმაცია არ ვრცელდება.

ოკუპირებულ აფხაზეთში კორონავირუსის 55 შემთხვევაა გამოვლენილი, რომელთა შორის, 37 პაციენტი განიკურნა.