დედოფლისწყაროში დაკარგული მოზარდები იპოვეს

დედოფლისწყაროში დაკარგული მოზარდები - 11 წლის გიორგი ყოჩიაშვილი და 13 წლის ევგენი ხატიაშვილი იპოვეს, პოლიციამ ერთ-ერთ მათგანს ლილოს დასახლებაში მიაკვლია, მეორე კი ისანში აღმოჩნდა.

AMBEBI.GE ინფორმაცია შინაგან საქმეთა სამინისტროს პრესსამსახურში დაუდასტურეს.

გავრცელებული ინფორმაციით, არასრულწლოვნები სახლიდან 27 ივლისს გავიდნენ და მას შემდეგ არ გამოჩენილან. ბავშვებმა განაცხადეს, რომ თბილისში გეგმავდნენ წასვლას და შესაბამისად, მათი სამძებრო სამუშაოები კახეთის გარდა, თბილისშიც მიმდინარეობდა.

შსს-მ გამოძიება სისხლის სამართლის კოდექსის 143-ე მუხლით დაიწყო, რაც თავისუფლების უკანონო აღკვეთას გულისხმობს