ავტორი:

"ზოგჯერ მინდოდა, რომ მკვდარი ვყოფილიყავი" - რას ჰყვება ქალი, რომელიც ყველაზე დიდხანს, 141 დღე ებრძოდა კორონავირუსს

"ზოგჯერ მინდოდა, რომ მკვდარი ვყოფილიყავი" - რას ჰყვება ქალი, რომელიც ყველაზე დიდხანს, 141 დღე ებრძოდა კორონავირუსს

კორონავირუსის პანდემიას მსოფლიო 2020 წლის 11 მარტიდან ებრძვის. გლობალური მასშტაბით, ვირუსით ამ დრომდე 18 მილიონზე მეტი ადამიანი დაინფიცირდა. მედიაში კი არაერთ საინტერესო, ამაღელვებელ, ბედნიერ, თუ ტრაგიკულ "კორონა ისტორიებს“ წააწყდებით.

ქალი, რომელზეც ახლა გიამბობთ, 141 დღის განმავლობაში ებრძოდა ვირუსს და მისი გადარჩენისადმი ექიმები სკეპტიკურად იყვნენ განწყობილნი. ბრიტანელ ფატიმა ბრიდლის საუთჰემპტონის კლინიკაში მკურნალობდნენ და საავადმყოფოში მან 141 დღე გაატარა, აქედან 40 დღის განმავლობაში კომაში იყო და ფილტვის ხელოვნური ვენტილაციის აპარატზე იყო შეერთებული. აღნიშნულის სესახებ "დეილი მეილი" წერს.

აღსანიშნავია, რომ დიდ ბრიტანეთში ეს კორონავირუსით ინფიცირების ყველაზე ხანგრძლივი შემთხვევაა.

35 წლის ფატიმა ბრიდლის ჰქონდა პნევმონია, სეფსისი, თუმცა საბოლოოდ გამოჯანმრთელდა. ბრიდლის თქმით, კომიდან გამოსვლის შემდეგ საშინელ ტკივილს გრძნობდა.

"რაღაც მომენტში მინდოდა, რომ მკვდარი ვყოფილიყავი. ეს საშინელება იყო, მინდოდა მეყვირა, მაგრამ არ შემეძლო“ - ამბობს ფატიმა.

არა მხოლოდ ფატიმა ბრიდლი და მისი ოჯახის წევრები, არამედ ექიმებიც „სამედიცინო სასწაულს“ უწოდებენ ამ შემთხვევას. ახლა ქალი გამოჯანმრთელებულია და სახლშია, თუმცა ჯერ კიდევ ექიმების მეთვალყურეობის ქვეშაა.

ბოლო მონაცემებით, დიდ ბრიტანეთში COVID-19-ით 304 695 ადამიანი დაინფიცირდა და ამ მაჩვენებლით ის მსოფლიოს მეთორმეტე ქვეყანაა.

თუ მკვლელობა გაუმართლებელია, შეიძლება, არსებობდეს გამონაკლისი ლიდერებისთვის? - ბირთვული ომების შემზარავი შედეგები

რა პოსტი წაუშალეს დონალდ ტრამპს Facebook-მა და Twitter-მა?

"ფარმაცევტულ კომპანიებს კორონავირუსის ვაქცინის მილიონობით დოზა, სავარაუდოდ, მომავალი წლის დასაწყისში ექნებათ" - ენტონი ფაუჩი