"პირადად მე, უძლური ვარ მის წინაშე" - ჩანაწერი, რომელიც, სავარაუდოდ, გარდაცვლილ პროგრამისტს ეკუთვნის

გარდაცვლილი პროგრამისტის, თამარ ბაჩალიაშვილის საქმის თაობაზე „ფეისბუქის“ პირად გვერდზე ჟურნალისტმა გიორგი კაპანაძემ რამდენიმე საათის წინ დაწერა:

"გამოძიებისთვის უცნობი ახალი ფაქტები მოვიპოვეთ თამარ ბაჩალიაშვილის საქმიდან, რომელთაგან ამ ეტაპზე ჯერ მხოლოდ ერთს ვასაჯაროვებ... "პირადად მე, უძლური ვარ მის წინაშე" - ეს არის თამარ ბაჩალიაშვილის ერთ-ერთი ბოლო ფრაზა, რომელიც მან ფურცელზე დაწერა. აქვე წერია ციფრი - "15"... ვის წინაშე ან რატომ იყო კიბერუსაფრთხოების სპეციალისტი უძლური? რა ინფორმაცია ჩაუვარდა მას ხელში?"

მთავარის ინფორმაციით, კაპანაძე ამ პოსტის გამო გამოკითხვაზე იმყოფება. მან გამოკითხვაზე დაბარების ამბავი საზოგადოებას ასევე "ფეისბუქით" აცნობა:

"შსს-ში, გულუას ქუჩაზე დამიბარეს გამოკითხვაზე, დღეს, 20:30-ზე, ჩემს მიერ თამარ ბაჩალიაშვილის შესახებ გამოქვეყნებული პოსტის გამო, სადაც საუბარია იმ ჩანაწერზე, რომელიც მან სავარაუდოდ, გარდაცვალებამდე მცირე ხნის წინ გააკეთა და რომელიც ექსკლუზიურად გამოვაქვეყნე".

• "თამარ ბაჩალიაშვილის საქმის გამოძიება თვითმკვლელობასთან ერთად, აქტიურად განიხილავს მკვლელობის ვერსიასაც" - მიხეილ რამიშვილი