ავტორი:

გამომცემლობა "პალიტრა L-ის" "ლიტერატურული გაჩერება" 17 აგვისტოდან ოზურგეთს ეწვევა

გამომცემლობა "პალიტრა L-ის" "ლიტერატურული გაჩერება" 17 აგვისტოდან ოზურგეთს ეწვევა

გამომცემლობა "პალიტრა L-ის" "ლიტერატურული გაჩერება" 17 აგვისტოდან ოზურგეთს ეწვევა.

"ლიტერატურული გაჩერება" კახეთიდან დაიწყო და მთელი საქართველოს მასშტაბით, უკვე ესტუმრა რამდენიმე რეგიონს. 17 და 18 აგვისტოს კი ლიტერატურული ღონისძიებები ოზურგეთელ მკითხველს ელის.

გურულებს, შესაძლებლობა ექნებათ, გაცვალონ უსარგებლო მაკულატურა სრულიად ახალ წიგნებში. პროექტ "მაკულიტერატურის" ეს აქცია უპრეცედენტოა, ვინაიდან 1 კგ მაკულატურა 1 ლარის ღირებულების წიგნზე გადაიცვლება.

ღონისძიების ფარგლებში, ასევე, გაიმართება გამოფენა-გაყიდვა, სადაც 300-მდე დასახელების წიგნი 50%-მდე ფასდაკლებით იქნება ხელმისაწვდომი.

"მაკულიტერატურის" აქცია და გამოფენა-გაყიდვა, ორი დღის განმავლობაში (17-18 აგვისტო), 9 აპრილის სკვერში 10:00 საათიდან დაიწყება და 18:00 საათამდე გასტანს.

17 აგვისტოს 18:00 საათზე კი კაფეში "რვას + 1" (გაბრიელ ეპისკოპოსის #3) ინტერაქციული წიგნის "ფენიქსის" წარდგენა გაიმართება. ადგილობრივ მკითხველს შეხვდებიან ქართველი ავტორები: ტორესა მოსი, თეა ინასარიძე, ელის დოჯსონი და ნიკოლას მაჩაბელი.

15 ნაწილისგან შემდგარმა ინტერაქციულმა წიგნმა გამოსვლისთანავე დაიმსახურა საზოგადოების დიდი ინტერესი. ამ საინტერესო ლიტერატურულ ექსპერიმენტში მონაწილეობა ოთხმა ავტორმა მიიღო. „ფენიქსის“ ყოველი ნაწილი დამაინტრიგებელ, საკვანძო მომენტში წყდება, სადაც მთავარ გმირებს არჩევანის გაკეთება მოუწევთ. ყოველ წიგნს კი ორი ალტერნატიული გაგრძელება მოჰყვება, სადაც ამბავი გმირის ამა თუ იმ არჩევანის მიხედვით ვითარდება.

„პროექტის ჩანაფიქრი ამბიციურად გამოიყურებოდა. უნდა შეგვექმნა ერთი სიუჟეტის რვა ვერსია, რომელიც პერსონაჟების გადაწყვეტილებების მიხედვით განსხვავებულად განვითარდებოდა და თითოეულ ხაზს შესაბამისად, სხვადასხვა დასასრული ექნებოდა. ფაბულა თეა ინასარიძემ მოიფიქრა და პირველი გაგრძელების წერა უკვე ერთად დავიწყეთ. მნიშვნელოვანი იყო დეტალების შეთანხმება. საბოლოო ჯამში, ვფიქრობ, ამოცანას თავი გავართვით და მკითხველს საინტერესო ამბის ბევრნაირი ვერსია შევთავაზეთ”, - ტორესა მოსი, მწერალი.

ღონისძიების ბმული: https://www.facebook.com/events/301144907607605/

"შერატონ ბათუმში" პროექტ "ლურჯი ოკეანის" ღონისძიება "ფეხებზე დაკიდების ხელოვნება" გაიმართება

მოუსმინე წიგნებს: ერიხ მარია რემარკი, "ნასესხები სიცოცხლე" (თავი მე-14)

წიგნები, რომლებმაც ბოლო პერიოდში ქართველი მკითხველის განსაკუთრებული ყურადღება მიიპყრო, უკვე gudabooks.ge-ზეა