"თუ გოგონა მომწიფებულია, შეიძლება ძალით გაათხოვონ" - სომალი არასრულწლოვანთა იძულებით ქორწინებას აკანონებს

dailymail-ის ინფორმაციით, სომალში არასრულწლოვანთა იძულებითი ქორწინება კანონდება. გამოცემის ცნობით, იმ შემთხვევაში, თუ გოგონას რეპროდუქციურლი ორგანოები მომწიფებული აქვს, ოჯახს შეუძლია, ქალიშვილი გაათხოვოს.

სომალის პარლამენტი აღნიშნული კანონპროექტის განხილვის პროცესშია. ოჯახის თანხმობის შემთხვევაში არასრულწლოვანთა ქორწინება არაკანონიერად არ ჩაითვლება.

გაეროს ანალიზის მიხედვით, ყოველწლიურად სომალელი არასრულწლოვანი ქალების 45%-ზე მეტი იძულებითი ქორწინების მსხვერპლია.

2013 წელს სომალის მთავრობა საერთაშორისო ორგანიზაციებს შეუთანხმდა, რომ ამ მხრივ ვითარებას გამოასწორებდა. თუმცა ახალ კანონპროექტში საგანგაშო მუხლები გამოიკვეთა.

"ახალი კანონპროექტი საფრთხეს უქმნის ბავშვთა ქორწინების ლეგიტიმაციას" - განაცხადა კვირას აშშ-ს ადამიანის უფლებების ხელმძღვანელმა მიშელ ბაჩლეტმა. იგი შიშობს, რომ მისი მიღება "შემაშფოთებელ სიგნალს გაუგზავნის რეგიონის სხვა სახელმწიფოებს".

კანონპროექტის წინააღმდეგ შედგენილ პეტიციას ათასობით ადამიანი აწერს ხელს. "მშვიდობის საერთაშორისო ორგანიზაციის" დამფუძნებელი ელმანი ამის შესახებ ტვიტერზე წერს:

"მე არ მსურს ვუსმინო სომალის ოფიციალურ პირებს ონლაინ რეჟიმში, რომლებიც სადღესასწაულო ღონისძიებებში მონაწილეობენ, როდესაც ისინი ცდილობენ მათი ბავშვობის მოპარვას".

"მნიშვნელოვანი მომენტია, დეპუტატებმა გადაწყვიტონ სომალის მომავალი ფასეულობები”, - თქვა "ტვიტზე" ბრიტანეთის ელჩმა სომალში ბენ ფენდერმა.

მთავარი ფოტო: dailymail

ავტორი: თეონა რამაზაშვილი