ახალ ზელანდიაში, ბოლო 24 საათში COVID-19-ის სულ 9 შემთხვევა გამოვლინდა, მაგრამ არჩევნები ერთი თვით მაინც გადადეს

ახალი ზელანდიის პრემიერ-მინისტრის, ჯასინდა არდერნის თქმით, ქვეყნის საპარლამენტო არჩევნები, კორონავირუსის საფრთხის გამო, ერთი თვით გადაიდება და 17 ოქტომბერს გაიმართება. ამის შესახებ BBC წერს.

გამოცემის ცნობით, არჩევნები 19 სექტემბრისთვის იყო ჩანიშნული. პრემიერის განცხადებით, აღნიშნული გადაწყვეტილება საშუალებას მისცემს პარტიებს უკეთ მოემზადონ არჩევნებისთვის.

გასულ კვირას ქვეყნის ყველაზე დიდი ქალაქი, ოკლენდი ახალი ინფიცირებულების ზრდის გამო კვლავ კარანტინის რეჟიმს დაუბრუნდა.

არჩევნების გადადების შესახებ მიღებულ გადაწყვეტილებას ოპოზიციური პარტიები აპროტესტებენ და ოპოზიციის ლიდერები აცხადებენ, რომ ხელისუფლება პანდემიას არჩევნების გადადებისთვის გამიზნულად იყენებს..

არსანიშნავია, რომ ახალი ზელანდია კორონავირუსთან ბრძოლის თვალსაზრისით მსოფლიოს ერთ-ერთი ყველაზე წარმატებული ქვეყანაა, სადაც გასულ კვირამდე 102 დღის განმავლობაში შიდა გადადების ფაქტები არ იყო გამოვლენილი.

ახალ ზელანდიაში, საერთო ჯამში, კორონავირუსის 1 631 შემთხვევაა გამოვლენილი, მათ შორის, 22 პაციენტი გარდაიცვალა, ხოლო 1 531 უკვე გამოჯანმრთელდა, მკურნალობას 78 პაციენტი აგრძელებს. აღსანიშნავია, რომ ქვეყანაში ბოლო 24 საათში COVID-19-ის 9 შემთხვევა გამოვლინდა.