საუდის არაბეთის პრინცესა აღმოსავლურ სრანდარტებს ანგრევს - ვინ არის დინა აბდულა, რომელიც Vogue-ს მთავარი რედაქტორი იყო
სტანდარტულად არსებობს შეხედულება, რომ აღმოსავლეთის ქალები ყოველთვის ჩრდილში არიან და ბრენდირებულ სამოს, მილიონ დოლარიან სამკაულებს ხიჯაბის ქვეშ მალავენ. ამ სტერეპოტიპს საუდის არაბეთის პრინცესა დინა ალ ჯუხან აბდულა ანგრევს.
საუდის არაბეთის პრინცი, აბნ ფახდა ნასერა იბნ აბდულ- აზიზა ალი, მისი მეუღლე დინა და ოჯახი საუდის არაბეთში და არა მარტო, ყველაზე "ევროპულ", თანამედროვე და გავლენიან ერთობად ითვლება. წყვილი 25 წელზე მეტია რაც ქორწინებაში იმყოფება. მათ ოთხი შვილი ჰყავთ.
დინა "ინსტაგრამ" გვერდს აქტიურად მართავს, სადაც საყვარელი ოჯახის ფოტოებს ხშირად დებს, ასევე თითქმის ყველგან აღნიშნავს, რომ ასეთი ქმარი და მამა იშვიათია. დინა აბდულა 2017 წლამდე არაბული Vogue-ს მთავარი რედაქტორი იყო.
მისი საუკეთესო მეგობარი სკანდალური ნაომი კემპბელია. ხოლო, მსოფლიო მოდის ინდუსტრიაში დინა ერთ-ერთ წამყვან ფიგურად ითვლება. დინა მოკლედ შეჭრილ თამასა და პირსინგს ატარებს.
მისი ნახვა ტრადიციულ ხიჯაბში შეუძლებელია, მოდის "აღმოსავლელ გურუს" ფერადი ტანისამოსი და ძვირფასი სამკაულები უყვარს, თუმცა, ამასთანავე, იგი ყოველთვის სადად გამოიყურება და ზედმეტი არაფერი უჩანს.
დინა აბდულა ამერიკის შეერთებულ შტატებში დაიბადა და გაიზრდა, სამეფო ტიტული კი 23 წლის ასაკში მოიპოვა, როდესაც ცოლად საუდის არაბეთის პრინცს გაჰყვა.
ავტორი: თეონა რამაზაშვილი
როდის დასრულდება კორონავირუსის პანდემია და რას გვიჩვენებს ისტორია - ყველაზე მომაკვდინებელი პანდემიების ხანგრძლივობები
სომხეთის ოპოზიციის ულტიმატუმი ნიკოლ ფაშინიანს - "ვაძლევთ დროს გადადგომისთვის..."
