ავტორი:

"ძალიან კარგადაა შესწავლილი თამარის ცხოვრება, ფსიქოლოგიური ტიპი და ეს მზაკვრული გეგმა დასახულია თვეების მანძილზე" - თამარ ბაჩალიაშვილის დედა

"ძალიან კარგადაა შესწავლილი თამარის ცხოვრება, ფსიქოლოგიური ტიპი და ეს მზაკვრული გეგმა დასახულია თვეების მანძილზე" - თამარ ბაჩალიაშვილის დედა

23 წლის გარდაცვლილი პროგრამისტის, თამარ ბაჩალიაშვილის დედის თეონა თამაზაშვილის განცხადებით, 21 და 22 ივლისს თეთრიწყაროში ელექტროენერგია იმიტომ გამოირთო, რომ მანქანის გადატანის და ტყესთან დატოვების მოწმე არავინ ყოფილიყო.

თეონა თამაზაშვილის თქმით, საქმე მაღალი თანამდებობის პირებთან აქვთ, რომლებიც ბაჩალიაშვილის საქმიდან გამომდინარე, თეთრიწყაროს მცხოვრებლებსაც ატერორებენ.

„21 და 22 ივლისს ზუსტად იმიტომ გამოირთო შუქი, რომ დანარჩენ დღეებში მანქანა ისე ყოფილიყო მიყვანილი და დადებული იმ ადგილას, რომ ამის მოწმე არავინ არ ყოფილიყო. ჩემი ეჭვი ის არის, რომ ეს „ჩვეულებრივი მოკვდავის“ ჩადენილი, რომ ყოფილიყო აქამდე იქნებოდა გამოძიებული, აქ ძალიან მაღალი რანგის თანამდებობის პირებთან გვაქვს საქმე, რომლებიც ყველანაირად ატერორებენ თეთრიწყაროს რაიონს. ჩვეულებრივი ადამიანი ყველას ვერ დააშინებს, არიან ისეთები, რომლებიც ზუსტად აშინებენ და ქვეყანაში, სადაც მიუწვდებათ ხელი ყველაფერს იყენებენ“, - განაცხადა თეონა თამაზაშვილმა.

მისივე თქმით, დარწმუნებულია, რომ თამარ ბაჩალიაშვილის საქმე სამსახურთან კავშირში არ არის.

„უკვე 100 პროცენტით ვარ დარწმუნებული, რომ სამსახურთან კავშირში არ არის, რადგან სამსახურიდან თამარი უკვე წამოსული იყო. ძალიან კარგად არის შესწავლილი თამარის ცხოვრება, თამარის ფსიქოლოგიური ტიპი და ეს მზაკვრული გეგმა არის დასახული თვეების მანძილზე და არა ერთ დღეს, სპონტანურად. თამარ ორშაბათს კომპიუტერი უკვე სამსახურში უნდა დაებრუნებინა. ამის გაკეთება იმიტომ გადაწყდა შაბათს, რომ არ დაბრუნებულიყო კომპიტერი და აღმოჩენილიყო მათ ხელში. კომპიტერზე იყო „ფლეშკა“, რომელიც დაიკარგა“ ,- აცხადებს თეონა ბაჩალიაშვილი.

ცნობისთვის, თამარ ბაჩალიაშვილი 18 ივლისს გაუჩინარდა. ახალგაზრდა პროგრამისტი სათვალთვალო კამერებმა ბოლოს თეთრიწყაროს რაიონში დააფიქსირეს. ის 5-დღიანი ძებნის შემდეგ თეთრიწყაროს ტყესთან, საკუთარ მანქანაში გარდაცვლილი იპოვეს.

ბაჩალიაშვილის საქმეზე გამოძიება თავისუფლების უკანონო აღკვეთის მუხლით დაიწყო, შემდეგ კი ბრალდების კვალიფიკაციას თვითმკვლელობამდე მიყვანის მუხლი დაემატა.

პროკურატურამ გია საფაროვის  განზრახ მკვლელობის საქმეზე დაკავებულებს ბრალი წარუდგინა

"არჩილი პატიოსანი ადამიანია, მთელი ის დღეები მშვიდად იყო... იცოდა, რომ არაფერი ჩაუდენია" - "რადიო თავისუფლება" გაგნიძის დის ინტერვიუს აქვეყნებს

"ეს ქალი ორმოცზეც არ მინახავს... ჩემთვის უკვე ნათელია, რა დავალებასაც ის ასრულებს" - რას პასუხობს მიხეილ რამიშვილი ბაჩალიაშვილის ბებიას