ავტორი:

"28 წელი როგორ ვერ გამოიძიეს და არავინ დასჯილა..." -  ვერელი თორაძეების მკვლელობის გამოძიებაში FBI ჩაერთო

"28 წელი როგორ ვერ გამოიძიეს და არავინ დასჯილა..." -  ვერელი თორაძეების მკვლელობის გამოძიებაში FBI ჩაერთო

ვერელი თორაძეები მკვლელობის გამოძიებაში FBI ჩაერთო. ამის შესახებ თამარ თორაძე სოციალურ ქსელში წერს.

"მართალია მაგრად შემრცხვა პირველივე წინადადება FBI-ს ოფიცერისგან : 28 წელი როგორ ვერ გამოიძიეს და არავინ დასჯილა? ოჯახის ამდენი წევრი მოკლეს? ისეთი გაკვირვებული იყო, ვამშვიდებდი, ახლა კარგი მთავრობა გყვავს და ყველა დაისჯება-მეთქი ამათ ბევრი ფული აქვთ და ძნელად ისჯებიან-მეთქი. გაეცინა ჩვენ Jefrey Epstein დავაპატიმრეთ და მაგას რა მნიშვნელობა აქვსო. აი, ხო ხედავთ თქვენთან ვიწყებთ თანამშრომლობას და ჩვენც დავლაგდებით აუცილებლად ეს მთავრობა შეცვლისთქო! აბა, გილოცავთ პირველ უდიდეს ნაბიჯს, ქართველებო!" - წერს თამარ თორაძე.

თორაძეების ოჯახის მკვლელობის საქმეზე საქართველოს გენერალურმა პროკურატურამ ამერიკის შეერთებული შტატების შესაბამის ორგანოებს სამართლებრივი დახმარებისთვის მიმდინარე წლის მაისში მიმართა.

ცნობისთვის, თორაძეების ოჯახის ტრაგედია 1992 წელს მოხდა. არსებული ინფორმაციით, თორაძეები "მხედრიონს" დაუპირისპირდნენ. 1992 წლის თებერვალში ძმებ თორაძეებს ლაშას, კახასა და იმედოს, ასევე მათ მეგობარს "მხედრიონმა" ნუცუბიძის პლატოზე ცეცხლი გაუხსნა. 3 მარტს, ზაურ თორაძე, იზო ქურხულ-თორაძე და დაჭრილი ლაშა თორაძე ვერის სასაფლაოსთან ჩაცხრილეს. მას შემდეგ, ძმები ზაზა და პაატა თორაძეები უგზო-უკვლოდ დაკარგულებად ითვლებიან. მკვლელობას სხვებთან ერთად შეესწრო თორაძეების მცირეწლოვანი და თამარ თორაძე, რომელიც ამჟამად შეერთებულ შტატებში ცხოვრობს.

"რა გზები გაიარა, "ბუქსირზე" ხომ არ იყო ჩაბმული?" -  ბაჩალიაშვილის ავტომობილის ექსპერტიზაში "ჰიუნდაის" წარმომადგენლები მიიღებენ მონაწილეობას

"თემური იყო ჩემი შვილის ცხოვრებაში... ბედნიერი ვიქნებოდი, რომ ერთად ყოფილიყვნენ" - ვინ არის საქმის ახალი ფიგურანტი თემურ ჭანუყვაძე?

პროკურატურამ გია საფაროვის  განზრახ მკვლელობის საქმეზე დაკავებულებს ბრალი წარუდგინა