155 000-ლარიანი "ბენტლი" და 95 000-ევროიანი "მერსედესი" - რა მანქანებს ანიჭებენ უპირატესობას ქართველი პარლამენტარები?
AMBEBI.GE დაინტერესდა რა მარკის და ღირებულების ავტომობილებს ანიჭებენ უპირატესობას ქართველი პარლამენტარები. როგორც ჩანს, ბევრი მათგანი ავტომოყვარულია და მსუბუქ ავტომობილებში სოლიდური თანხის გადახდა არ ენანება.
პარლამენტარი კობა ნაყოფია, რომელიც საკანონმდებლო ორგანოში "ერთიან ნაციონალურ მოძრაობას" წარმოადგენს, როგორც ჩანს, "მერსედესის" მოყვარულია. Mercedes Benz GL 500 (#ELG007 ) -ში, 2010 წლის გამოშვებაში, მან 95 000 ევრო გადაიხადა.
მერსედესს ანიჭებს უპირატესობას დეპუტატი ირაკლი ხახუბიაც. მან 2017 წელს გამოშვებულ MERCEDES BENZ -ში 2017 200 000 ლარი გადაიხადა. დეპუტატს აქვს კიდევ ერთი ავტომობილი 155 000 ლარად შეფასებული BENTLY CONTINENTAL G7 .
"მერსედესზე" შეაჩერა არჩევანი ირაკლი კოვზანაძემაც. მან 2008 წელს გამოშვებულ MERCEDES-BENZ ML350- ში 30 000 ევრო გადაიხადა.
დეპუტატმა კახა ოქრიაშვილმა 2014 წელს შეიძინა 87 000 ევროდ ღირებული BMW X5 XDRIV E50I. მის მფლობელობაშია კიდევ სამი ავტომობილი, მათ შორის 64 000 აშშ. დოლარად შეფასებული TOYOTA LAND CRUISER LC 200.
დეპუტატი ლერი ხაბელოვამა არჩევანი "ტოიოტაზე" შეაჩერა. ამ ფირმის ავტომობილში მან 90 000 აშშ დოლარი გადაიხადა.
რაც შეეხება ვალერი გელაშვილს, იგი ორ ავტომანქანას ფლობს. 2006 წელს გამოშვებულ JEEP HUMMER H1. ეს ავტომობილი პარლამენტარმა 70 000 აშშ დოლარად შეიძინა. ხოლო მეორე პორშეს ფირმის მსუბუქ ავტომობილში, მან 50 000 ევრო გადაიხადა.
(სტატიის მთავარ ფოტოზე: ლერი ხაბელოვი, კობა ნაყოფია, კახა ოქრიაშვილი)
"სისულელეების ლაპარაკს მოვეშვათ. ოქრუაშვილი არ არის ყველასთან შეთანხმებული კანდიდატი", - გიორგი ვაშაძე ირაკლი ოქრუაშვილს პასუხობს
ოკუპირებული ცხინვალის ე.წ. უზენაესი სასამართლო - ხვიჩა მღებრიშვილმა დანაშაული აღიარა და სასამართლოს ჰუმანურობისთვის მადლობა გადაუხადა
