ჩრდილოვანი მმართველობიდან მთავარ პოლიტიკურ სცენამდე - კიმ ჩენ ინმა  თავის დას უფლებამოსილების ნაწილი გადასცა

ჩრდილოეთ კორეის ლიდერმა, კიმ ჩენ ინმა, თავისი უფლებამოსილების ნაწილი უმცროს დას, კიმ იო ჯონგს გადასცა.ამის შესახებ BBC წერს. აღსანიშნავია, რომ კიმ იო ჯონგი არაფორმალურად უდიდეს გავლენას ახდენდა აქამდეც ჩრდილოეთ კორეის მმართველობაზე, ტუმცა ახლა უკვე ამის უფლება ოფიციალურად მიეცა.

ცვლილებების მიხედვით, აბსოლუტური ძალაუფლება კვლავ კიმ ჩენ ინის ხელში რჩება, მაგრამ სახელმწიფო პოლიტიკის გარკვეულ ასპექტებზე პაუსიხმგებლობა, მასთან დააახლოებულ პირებს დაეკისრათ. სწორედ ამ პირებს შორისაა კიმის დაც.

როგორც BBC წერს, ჩრდილოეთ კორეის ლიდერმა გადაწყვეტილება, მასზე სტრესის დონის შესამცირებლად მიიღო. კიმ იო ჯონგი, ფხენიანის, აშშ-თან და სამხრეთ კორეასთან ურთიერთობების საკითხებს ჩაიბარებს. ის კორეის სახალხო დემოკრატიული რესპუბლიკის პოლიტიკურ სტრუქტურაში ფაქტობრივად მეორე პირი გახდა.

კიმ ჩენ ინის და ბოლო პერიოდში ქვეყნის პოლიტიკურ ცხოვრებაში აქტიურად ჩაერთო. როგორც "გარდიანი“ წერს, ამბობენ, რომ იო ჯონგი ძმის მთავარი საყრდენია და მისი განუზომელი ნდობით სარგებლობს. კიმ ჩენ ინის იმიჯი სწორედ ამ ქალის ნაშენებია. კიმ იო ჯონგი, არის ქალი, რომელიც უდიდეს გავლენას ახდენს ძმის გადაწყვეტილებებზე.

• ამავე თემაზე:ქალი, რომელიც ჩრდილოეთ კორეას კულისებიდან მართავს - დიქტატორი კიმ ჩენ ინი დის გარეშე გადაწყვეტილებებს არ იღებს