"ნუ ნათლავთ მიცვალებულის დროს ბავშვებს, ცრურწმენაა" - რას ამბობს დეკანოზი თამაზ ლომიძე საზოგადოებაში დამკვიდრებულ მოსაზრებაზე
დეკანოზი თამაზ ლომიძე ამბობს, რომ მიცვალებულის დროს ბავშვებს მონათვლის აუცილებლობაზე საზოგადოებაში დამკვიდრებული მოსაზრება მცდარია. ამის შესახებ ლომიძე "ფეისბუქზე" წერს.
"ნუ ნათლავთ მიცვალებულის დროს ბავშვებს
უნდა უარვყოთ და დავივიწყოთ უღმერთობისდროინდელი ცრურწმენები. სუფთა ცრურწმენაა, რომ მიცვალებულის დროს არ შეიძლება ოჯახში ან ნათესაობაში ვინმე იყოს მოუნათლავი და საჩქაროდ უნდა მოინათლოს ყველა. არ შეიძლება გლოვა დავუკავშიროთ ნათლობას. ამ ორს არაფერი აქვს ერთმანეთთან საერთო. ნუ გეშინიათ, მოუნათლავს ვერაფერს დაუშავებს მიცვალებული.
ნუ ნათლავთ ბავშვებს თუ ზრდასრულებს ნაჩქარევად, რწმენის გარეშე, სრულიად მოუმზადებლად და გაუაზრებლად მიცვალებულზე გლოვის და მწუხარების დღეებში. ნათლობა ერთადერთხელ ხდება ადამიანის ცხოვრებაში, ისაა სულიერი შობა, დიდი სიხარული და დღესასწაული და რა უნდა უთხრათ შემდეგ ადამიანს, ვტიროდით, ვგლოვობდით და შენი ნათლობის სიხარულისთვის არ გვეცალაო?!
ჭეშმარიტი ქრისტიანული მოძღვრების მიხედვით მიცვალებულის დაკრძალვას და ნათლობას სრულიად არაფერი აქვს ერთმანეთთან საერთო" - წერს ლომიძე.
"ტრანსპორტში პირბადის გარეშე ასვლის მცდელობის 524 ფაქტი გამოვლინდა, 3 790 მგზავრს გაფრთხილება მიეცა" - კალაძე
კორონავირუსის 544 ახალი შემთხვევა და 5 გარდაცვლილი - რამდენ ადამიანს ჩაუტარდა ტესტირება ბოლო 24 საათში?
