ავტორი:

"ერთი ჩვეულებრივი ბიჭი ვარ, რომელსაც უზომოდ უყვარს მუსიკა" - პროფესიით იურისტი ლევან ყანდიაშვილი "დიდი სცენის" გამარჯვებული გახდა

"ერთი ჩვეულებრივი ბიჭი ვარ, რომელსაც უზომოდ უყვარს მუსიკა" - პროფესიით იურისტი ლევან ყანდიაშვილი "დიდი სცენის" გამარჯვებული გახდა

დასრულდა მეგაშოუ "დიდი სცენის“ მეორე სეზონი. ხანგრძლივი და რთული გზის გავლის შემდეგ, პროექტი ლევან ყანდიაშვილმა მოიგო.

"არ ვიცი, რამდენად მეტყობოდა ეკრანზე, მაგრამ ვერაფერს ვაანალიზებდი და ათეულის ბავშვებს, როცა "ავთერფართიზე“ წავედით, ვეკითხებოდი, - პროექტი მართლა მორჩა და მე გავიმარჯვე-მექთქი? მერე ჯილდოს დავხედავდი, რომელიც გადმომცეს - ხომ მართლა ჩემი სახელი და გვარი აწერია-მეთქი? ვერ გავიაზრე სრულებით, რა მოხდა. ახლა გონებაში ნელ-ნელა "ვახვევ“ კადრებს და ბედნიერების განცდაც თანდათან ორმაგდება. ამ პროექტში იმდენი დრო და ენერგია ჩავდე, მგონი, ჩემი სახელისა და გვარის გამოცხადების დროს იმის ენერგია აღარ დამრჩა, რომ შესაბამისად გამომეხატა სიხარული. უბრალოდ, ერთნაირად მოდუნდა ყველა კუნთი და ნერვი, რაც აქამდე ძალიან დაძაბული და შებოჭილი იყო“ - ამბობს AMBEBI.GE-სთან "დიდი სცენის“ მეორე სეზონის გამარჯვებული ლევან ყანდიაშვილი.

მიუხედავად იმისა, რომ მთელი შოუს განმავლობაში 6-ჯერ იყო ხალხის რჩეული, ლაივკონცერტის ლიდერი, ჯერ კიდევ არ სჯერა, რომ კონკურსის გამარჯვებულია, შოკშია, თუმცა ამისთვის თავი მართლა არ დაუზოგავს, ძალიან ბევრი იშრომა.

ერთი თვის წინ კი AMBEBI.GE-სთან საუბარი ასე დაიწყო:

"ერთი ჩვეულებრივი ბიჭი ვარ, რომელსაც უზომოდ უყვარს მუსიკა და ბავშვობიდან მუდმივად მუსიკით მოცული... კახეთიდან, გურჯაანიდან ვარ და კახური გულიანობა, ყველაფერი მახასიათებს. წელს „ჯავახიშვილში“ იურიდიუილ ფაკულტეტი წარჩინებით დავამთავრე და ახლა კიდევ გამოცდებისთვის ვემზადები, კონსერვატორიაში ვაბარებ. ხვალ მაქვს გამოცდა“.

როგორც ვთქვით, ეს იყო ერთი თვის წინ, ამ ხნის მანძილზე კი ლევანის ცხოვრებაში ბევრი რამ მოხდა - კონსერვატორიის სტუდენიც გახდა და პროექტიც მოიგო.

ხოლო კითხვაზე - თუ რამ გადააწყვეტინა პროფესიის ასეთი რადიკალურად შეცვლა, მაშინ ასე გვიპასუხა:

"იურიდიულზე სწავლა მშობლების რჩევა იყო, რომ ცოტა პრაგმატულ პროფესიას დავუფლებოდი. ახლა ვფიქრობ, რომ ამ ორი პროფესიის ერთმანეთთან შეთავსება შეიძლება, კულტურის მენეჯმენტის მხრივ ან საავტორო უფლებების დაცვის კუთხით - ბევრი იდეა მაქვს. აბსოლუტურად ვუმადლი ამ ფაკულტეტს, რადგან კარგი ზოგადი განათლება მივიღე. კონსერვატორიაში მუსიკის ტექნოლოგიების ფაკულტეტზე უნდა ვისწავლო. უცხოეთში ძალიან პოპულარულია ეს ფაკულტეტი“.

აღნიშნულ ინტერვიუში ლევანს ისიც ვკითხეთ, რომ მთელი შოუს მანძილზე მაყურებელი მას გამორჩეულად გულშემატკივრობდა და ამას რით ხსნიდა, ამასთან, რა მოლოდინი ჰქონდა:

"ჟიურიმაც აღნიშნა, რომ ტურიდან ტურში ვვითარდები, სხვანაირი ვხდები... ერთადერთი მოლოდინი კი ისაა, რომ გავხდე ჩემს თავზე უკეთესი. ახლა ისეთ საინტერესო გზას გავდივარ, ისეთ ხალხთან მაქვს შეხება და იმდენ რამეში მოვედი აზრზე, თითოეული დღე ახლის მომცემი იქნება - ჩემი მუსიკა გამრავალფეროვნდება“... ახლა, რადგან უკვე მუსიკალური შოუს გამარჯვებულია და თან, კონსერვატორიის სტუდენტიც, მუსიკაში დიდი და სერიოზული გეგმები აქვს, რის განხორციელებასაც როგორც ამბობს, ნელ-ნელა შეუდგება...

23 აგვისტოს "რუსთავი 2“-ის ეთერით მეგაშოუ "დიდი სცენის“ ფინალური შოუ შედგა, კონკურსის გამარჯვებული ლევან ყანდიაშვილი გახდა, რომელსაც "რუსთავი 2“-ის მიერ თბილისში ბინა გაეცა, მეორე ადგილი დაიკავა გიორგი ფუტკარაძემ, ხოლო მესამე ადგილი მარიამ-მემე ჟორდანიას ერგო.

"თავის დროზე ჩემმა მეუღლემ მომხიბლა იოგათი... დღეში რამდენჯერმე ვვარჯიშობდი, თავზეც ვდგებოდი" - ნანი ბრეგვაძე ახალგაზრდობის საიდუმლოს ამხელს

ყველაზე მდიდარი პოპულარული ქართველი ქალები - ფული, კარიერა და მდიდარი მშობლები...

კლაუდია შიფერი 50 წლის გახდა -  როგორ გამოიყურება მოდელი, რომელსაც სჯერა, რომ ადამიანი შეიძლება ნებისმიერ ასაკში ლამაზი იყოს (ფოტოები)