Treveler.ge-ის ხელმძღვანელი და თანამშრომელი პოლიციაში გამოკითხვაზე იმყოფებოდნენ - რა ინფორმაცია მიაწოდეს სამართალდამცველებს
ტურისტული კომპანია Treveler.ge-ის ხელმძღვანელი და თანამშრომელი, პოლიციის მცხეთის განყოფილებაში გამოკითხვაზე იმყოფებოდნენ..საუბარია კომპანიაზე, რომლის კუთვნილი მიკროავტობუსი გუშინ შატილის გზაზე ხევში გადავარდა.
როგორც კომპანიის თანამშრომელი "ინტერპრესნიუსთან" ამბობს, სამართალდამცავები ტურზე მყოფი მოქალაქეების ვინაობითა და მათი საკონტაქტო ინფორმაციით დაინტერესდნენ.
"გამოკითხვაზე ვიყავი ღამით და დილით დასრულდა. ჩემთან ერთად იყო კომპანიის ხელმძღვანელი შალვა ბოლოთაშვილი. მე ამ ეტაპზე ვიყავი ოპერატორი და ვპასუხობდი სატელეფონო ზარებს, ისე გიდი ვარ. გამოკითხვაზე დაინტერესდნენ ტურზე მყოფი ადამიანების სიით და ტელეფონის ნომრებით. დანარჩენი რაც აინტერესებდათ და რაც საჭირო იყო გამოძიებისთვის და შემეძლო რამეში დახმარება, დაწვრილებით მივაწოდე ინფორმაცია,“- განაცხადა კომპანიის თანამშრომელმა.
შეგახსენებთ, დუშეთის მუნიციპალიტეტში, შატილის გზაზე მიკროავტობუსი 80 მეტრის სიმაღლიდან გადავარდა.ბოლო მონაცემებით, 17 ადამიანი გარდაიცვალა, 3 კი დაშავდა.
დიდი სიჩქარით მოძრავმა ავტომობილმა ქვეითი შეიწირა - რა მოხდა გორთან?
"ნაციონალური მოძრაობის" სურვილი იყო ჩვენი გარდაცვლილი შვილის ცხედარი მიგვერთმია მათთვის და ამისგან გამოეყვანათ პოლიტიკური თემა" - მირიან ნიკოლაძე
