ავტორი:

ბერლინის კლინიკა ნავალნის ჯანმრთელობის მდგომარეობაზე ინფორმაციას ავრცელებს - რა კომენტარს აკეთებს ანგელა მერკელი?

ბერლინის კლინიკა ნავალნის ჯანმრთელობის მდგომარეობაზე ინფორმაციას ავრცელებს - რა კომენტარს აკეთებს ანგელა მერკელი?

რუსი ოპოზიციონერი პოლიტიკოსის ალექსეი ნავალნის ჯანმრთელობის მდგომარეობა კვლავაც მძიმედ ფასდება. ამის შესახებ საუბარია ბერლინის კლინიკის Charite-ის მიერ ოთხშაბათს გავრცელებულ ინფორმაციაში.

მათივე თქმით, მიუხედავად იმისა, რომ ოპოზიციონერი ლიდერის მოწამვლის სიმპტომები დაბლა იწევს, ის მიერთებულია ხელოვნური სუნთქვის აპარატზე.

„მძიმე მოწამვლის ხანგრძლივი შედეგების გამორიცხვა კვლავინდებურად შეუძლებელია“, - ნათქვამია კლინიკის ინფორმაციაში.

გერმანიის მთავრობის განცხადებით, რუსი ოპოზიციონერი პოლიტიკოსი ალექსეი ნავალნი ნივთიერებით სახელად „ნოვიჩოკით“ მოწამლეს. ინფორმაციას BBC ავრცელებს.

მათივე ინფორმაციით, სამხედრო ლაბორატორიაში ჩატარებულმა ტოქსიკოლოგიურმა კვლევამ აჩვენა „ერთმნიშვნელოვანი მტკიცებულება“ „ნოვიჩოკის“ ნერვული აგენტების ჯგუფიდან.

რუსი ოპოზიციონერის მოწამვლის მცდელობის შესახებ გავრცელებულ ინფორმაციას გერმანიის კანცლერმა ანგელა მერკელმა სამწუხარო უწოდა.

„ალექსეი ნავალნი გახდა თავდასხმის მსხვერპლი ქიმიურ ნერვულ-პარალიტიკური ნივთიერების დახმარებით, რომელიც „ნოვიჩოკის“ ჯგუფიდანაა. ეს შხამი უეჭველად აღმოჩენილია ანალიზებში. ამგვარად დასტურდება, რომ ალექსეი ნავალნი გახდა დანაშაულის მსხვერპლი. ის უნდა გაჩუმებულიყო. მე ამას ვგმობ გერმანიის ხელისუფლების სახელით“ , - განაცხადა ანგელა მერკელმა.

მისივე თქმით, რუსეთის ელჩს გერმანიაში დღის მეორე ნახევარში ეცნობა საგარეო საქმეთა სამინისტროს მიერ ჩატარებული კვლევის შედეგები.

„ველოდებით, რომ რუსეთის ხელისუფლება განმარტებას გააკეთებს მომხდართან დაკავშირებით. გაჩნდა ძალიან რთული კითხვები, რომლებზეც პასუხი შეუძლია და ვალდებულიცაა გასცეს რუსეთის ხელისუფლებამ“, - განაცხადა მერკელმა ჟურნალისტებთან საუბრისას.

კანცლერის თქმით, ნავალნის საკითხმა მსოფლიო დაინტერესება გამოიწვია.

„მსოფლიო პასუხებს ელის“ - აღნიშნა მერკელმა.

ნავალნის საქმესთან დაკავშირებით გერმანიის მთავრობის მიერ გავრცელებულ ინფორმაციას გამოეხმაურა დიდი ბრიტანეთის პრემიერ-მინისტრი ბორის ჯონსონი.

ბრიტანეთის ლიდერმა აღმაშფოთებელი უწოდა ნავალნის წინააღმდეგ მომწამვლელი ნივთიერების გამოყენებას.

„აღმაშფოთებელია, რომ ქიმიური იარაღი გამოიყენეს ალექსეი ნავალნის წინააღმდეგ. ჩვენ დიდ ბრიტანეთში პირველ წყაროზე ვნახეთ „ნოვიჩოკის“ მომაკვდინებელი შედეგები. რუსეთის მთავრობამ ახლა უნდა განმარტოს, რა მოხდა ნავალნისთან დაკავშირებით - ჩვენ საერთაშორისო პარტნიორებთან ერთად ვიმუშავებთ, რათა სამართლიანობა აღსრულდეს“, - წერს ჯონსონი „ტვიტერზე“.

"ეს ჩემთვის გაკვეთილი იქნება. ბოდიშს ვიხდი" - უპრეცედენტო ფაქტი ჩოგბურთის უახლეს ისტორიაში: მსოფლიოს პირველი ჩოგანი ტურნირიდან მოხსენეს

ინდოეთში დღე-ღამეში კორონავირუსის 90 000-ზე მეტი შემთხვევა გამოვლინდა, რაც მსოფლიოში რეკორდულად მაღალი დღიური მაჩვენებელია

გუშინ საპროტესტო აქციების დროს 91 ადამიანი დააკავეს - ბოლო ცნობები ბელარუსიდან