ოთარ ტატიშვილის უმცროსი ვაჟი დაინიშნა - ვინ არის პოპულარული ექიმის სარძლო  (ფოტოები ულამაზესი წვეულებიდან)

ექიმის, მსახიობისა და ტელეწამყვან ოთარ ტატიშვილის უმცროსი ვაჟი, მომღერალი შოთიკო ტატიშვილი დაინიშნა. მისი რჩეული მარიამ ხულელიძეა. ვინაიდან ოტარ ტატიშვილის უფროსი ვაჟი უკვე დაქორწინებულია, მალე ექიმი ორგზის მამამთილი გახდება.

შოთიკო ტატიშვილისა და მარიამ ხულელიძის ნიშნობის ცერემონია ულამაზეს გარემოში შედგა. წვეულებას კი მათი მეგობრები, ოჯახის წევრები, უახლოესი ადამიანები ესწრებოდნენ.

ზუკა და შოთიკო ტატიშვილები ოთარს პირველი ქორწინებიდან ჰყავს. ეკა არჩვაძე და ოტარ ტატიშვილი პროფესიით ექიმები არიან და 17-19 წლის ასაკში იქორწინეს. მათი ოჯახური ურთიერთობა 6 წელიწადს გაგრძელდა.

ოთარ ტატიშვილმა მეორედ ასევე ექიმ თიკა სვანიშვილზე იქორწინა და წყვილს ერთადერთი ქალიშვილი ნანი ჰყავთ.

ოთარის უფროსი ვაჟი ზუკა მშობლების კვალს გაჰყვა და თავადაც ექიმია. ზუკა უკვე რამდენიმე წელია რაც დაოჯახებულია და ერთი გოგონა ჰყავს, რომელიც ნიშნობის ყველაზე პატარა სტუმარი გახლდათ.

შოთიკო მუსიკოსია და სახლში საკუთარი სტუდია აქვს მოწყობილი. მომავალი მეუღლე კი კავკასიის უნივერსიტეტის კურსდამთავრებულია.