ავტორი:

"ვიდეოში გულის ტკივილს გამოხატავდა, რომ ნიკა უყვარდა და ეს ცალმხრივი სიყვარული იყო" - დეა კაპანაძე ჩანაწერზე, რომელმაც ბაჩალიაშვილი შეყვარებულს დააშორა

"ვიდეოში გულის ტკივილს გამოხატავდა, რომ ნიკა უყვარდა და ეს ცალმხრივი სიყვარული იყო" - დეა კაპანაძე ჩანაწერზე, რომელმაც ბაჩალიაშვილი შეყვარებულს დააშორა

23 წლის პროგრამისტის, თამარ ბაჩალიაშვილის მეგობარი, დეა კაპანაძე "კურიერს" გარდაცვლილის პირადი ცხოვრების დეტალებზე ესაუბრა.

დეა კაპანაძეს პროგრამისტი, რომელთანაც 5-წლიანი მეგობრობა აკავშირებდა, ახსოვს როგორც მიზანდასახული და მშრომელი, თუმცა დეპრესიული ხასიათის ადამიანი.

"გულჩათხრობილი ადამიანი იყო, დეპრესიულიც. ზოგჯერ ცუდად, რომ იყო, საკუთარ თავს უღებდა ხოლმე ვიდეოს. ბევრჯერაც უთქვამს, როდესაც ცუდად ხარ, გადაუღე საკუთარ თავს ვიდეო და რამდენიმე დღის შემდეგ უყურე და შენ თვითონ დამშვიდდები, რაღაც ფსიქოლოგიური მომენტი არისო", - აღნიშნავს ინტერვიუში დეა კაპანაძე.

"კურიერის" ინფორმაციით, ერთ-ერთი ასეთი ვიდეო პირადი ცხოვრებისთვის მნიშვნელოვანი აღმოჩნდა: 2018 წელს სოციალურ ქსელ Youtube-ის გვერდზე თამარმა ატვირთა ვიდეო, სადაც საუბრობდა ნიკა გეჯაძეზე (ავტ. კომპანია "ზეგში" თამარ ბაჩალიაშვილის უფროსი), როგორც მის ახალ სიყავრულზე, ეს ვიდეო ნახა იმ დროს ბაჩალიაშვილის შეყვარებულმა და ამით ეს ურთიერთობა დასრულდა.

"ეს ვიდეო შემთხვევით აიტვირთა Youtube-ზე. გამომწერად ჰყავდა მარტო ეს შეყვარებული. ამ ბიჭს მიუვიდა "ნოთიფიქეიშენი", რომ თამარმა ვიდეო ატვირთა. მერე მიწერა... ეს იყო 2018 წლის პერიოდი. თავის უფროსზე, ნიკაზე საუბრობდა ძირითადად. გულის ტკივილს გამოხატავდა, რომ უყვარდა და ეს ცალმხრივი სიყვარული იყო", - ამბობს დეა კაპანაძე.

როგორც ინტერვიუში პროგრამისტის მეგობარი საუბრობს, პირადი გრძნობები და საქმე, რომელსაც კომპანიაში აკეთებდა, ერთმანეთთან წინააღდეგობაში იყო, რის გამოც სამსახურიდან წასვლას ფიქრობდა.

"ეს ვიდეო ნანახი არ მაქვს, მაგრამ შინაარსი ვიცი, რასაც ამბობდა, ნიკას თემა იყო. უყვარდა და ეწინააღმდეგებოდა ამ ყველაფერს, რადგან იყო მისი ჯგუფის უფროსი", - აღნიშნავს დეა კაპანაძე.

მეგობრის ინფორმაციით, თამარ ბაჩალიაშვილი ხშირად წერდა ვიდეომიმართვებს, რომლებსაც სოციალურ ქსელში ათავსებდა. დეა კაპანაძის თქმით, ერთ-ერთი ასეთი ვიდეომიმართვა მშობლების სახელზეც არსებობს და როგორც მისთვის არის ცნობილი, გამოძებამ ეს ვიდეოჩანაწერი გარდაცვლილის მშობლებს უკვე აჩვენა.

ცნობისთვის, თამარ ბაჩალიაშვილი 18 ივლისს გაუჩინარდა. ახალგაზრდა პროგრამისტი სათვალთვალო კამერებმა ბოლოს თეთრიწყაროს რაიონში დააფიქსირეს. ის 5-დღიანი ძებნის შემდეგ თეთრიწყაროს ტყესთან, საკუთარ მანქანაში გარდაცვლილი იპოვეს. ბაჩალიაშვილის საქმეზე გამოძიება თავისუფლების უკანონო აღკვეთის მუხლით დაიწყო, შემდეგ კი ბრალდების კვალიფიკაციას თვითმკვლელობამდე მიყვანის მუხლი დაემატა.

"10 წლის გოგონამ თქვა, რომ ოჯახის ახლობელმა მამაკაცმა მის მიმართ სექსუალური სახის გარყვნილი ქმედება განახორციელა" - "იალქანი"

დაკავებულია "ყასაბიჩი", "ჩიჟიკა", "მღვდელოვიჩი"... -  შსს-მ "ქურდულ შეკრებაში" მონაწილეობის ბრალდებით 25 პირი დააკავა, 4-ს ბრალი წარედგინა, იძებნება 2 პირი

ქმრის მიერ მოკლული 33 წლის მარიამ წივწივაძის საქმე ოჯახმა სტრასბურგში მოიგო - "მან ტრაგედიამდე, სულ ცოტა,11-ჯერ მიმართა პოლიციას დახმარებისთვის"