გონიოში, ზღვაში გამნაღმველებმა ჭურვი იპოვეს

გონიოში, ზღვაში გამნაღმველებმა კოროზირებული ჭურვი იპოვეს. „ინტერპრესნიუსის" ინფორმაციით, ზღვაში ჭურვის არსებობის შესახებ უწყებაში შეტყობინება მოქალაქის მხრიდან შევიდა.

ადგილზე სამართალდამცავები და გამნაღმველები იმყოფებოდნენ. ტერიტორია ყვითელი ლენტით ჰქონდათ სამართალდამცავებს შემოსაზღვრული.

ფაქტზე საქართველოს შინაგან საქმეთა სამინისტრომ გამოძიება „სისხლის სამართლის კოდექსის" 236-ე მუხლით დაიწყო, რაც ცეცხლსასროლი იარაღის ან ფეთქებადი მოწყობილობის შეძენა-შენახვას გულისხმობს.