ავტორი:

თუ სტაციონარში მკურნალობის აუცილებლობა არ იქნება, პაციენტს საკარანტინო სივრცეში, ექიმების მეთვალყურეობის ქვეშ უმკურნალებენ - ეკატერინე ტიკარაძე

თუ სტაციონარში მკურნალობის აუცილებლობა არ იქნება, პაციენტს საკარანტინო სივრცეში, ექიმების მეთვალყურეობის ქვეშ უმკურნალებენ - ეკატერინე ტიკარაძე

ჯანდაცვის მინისტრის ეკატერინე ტიკარაძის განცხადებით, თუ მოქალაქეს 8-დღიანი საკარანტინო პერიოდის დასრულების შემდეგ, მე-12 დღეს, განმეორებითი "პისიარტესტის" გაკეთების შემდეგ კორონავირუსი დაუდასტურდება, მას სტაციონარში გადაიყვანენ.

ტიკარაძის თქმით, თუ სტაციონარში მკურნალობის აუცილებლობა არ იქნება, პაციენტი საკარანტინო სივრცეში, ექიმების მეთვალყურეობის ქვეშ გააგრძელებს მკურნალობას.

"თუ მე-12 დღეს მოქალაქეს დაუდასტურდა კორონავირუსი, ის გადაგვყავს სტაციონარში, ექიმები იწყებენ შესაბამის მკურნალობას, იმ შემთხვევაში თუ მას მსგავსი დახმარება ესაჭიროება. ხოლო იმ შემთხვევაში, თუ შესაძლებელია პაციენტის მკურნალობა საკარანტინო პირობებში, ასევე ექიმების მეთვალყურეობის ქვეშ, რა თქმა უნდა, მივიღებთ შესაბამის გადაწყვეტილებას. ამ გადაწყვეტილებაზე ჩვენ უკვე რამდენიმე კვირაა გვაქვს დაწყებული მუშაობა, ჯანდაცვის სამინისტრო იყო ინიციატორი, რომ მსგავსი ცვლილება განხორციელებულიყო. გამომდინარე იქიდან, რომ უკვე არაერთმა ქვეყანამ მიიღო მსგავსი გადაწყვეტილება და ითვლება, რომ ეს არის საკმაოდ უსაფრთხო და უკვე კვლევებზე დაყრდნობილი ღონისძიებები, საკოორდინაციო საბჭომ მოგვცა ამასთან დაკავშირებით თანხმობა. ჩვენ უკვე გავაგრძელებთ დადგენილებაში ცვლილების შეტანას და ცვლილების შეტანისთანავე ეს ღონისძიება ამოქმედდება“, - განაცხადა ეკატერინე ტიკარაძემ.

LIVE- გადაცემა Newsroom-ის სტუმარია ირაკლი ოქრუაშვილი

"თვითიზოლაციის პერიოდი გავიარე და ვბრუნდები " - არჩილ თალაკვაძე დღეიდან საპარლამენტო საქმიანობას უბრუნდება

"ვიქნები პრემიერ-მინისტრი არა სრული ვადით, არამედ მაქსიმუმ 2 წელიწადი" - რას ამბობს სააკაშვილი ახალ ვიდეომიმართვაში