ოზურგეთში, დაბა ნასაკირალში დედა-შვილს კორონავირუსი დაუდასტურდა

ოზურგეთის მუნიციპალიტეტში, დაბა ნასაკირალში, ,"კოვიდ 19"- ის კიდევ ორი შემთხვევა გამოვლინდა. ინფიცირებულები დედა-შვილი არიან.

საზოგადოებრივი ჯანდაცვის ცენტრის ინფორმაციით, ისინი ლაითურელი ქალის კონტაქტები არიან, რომელსაც კორონავირუსი გუშინ დაუდგინდა.

"პაციენტებს არანაირი რესპირატორული სიმპტომები არ აღენიშნებათ. ისინი გადაყვანილები არიან საჩხერის კლინიკაში. ამ დროისთვის გამოკვლეულია მათი 15 კონტაქტი. ყველა მათგანი უკვე გაიტესტა და თვითიზოლაციაში არიან გადაყვანილები", - განაცხადა საზოგადოებრივი ჯანდაცვის ცენტრის ხელმძღვანელმა, არჩილ მჟავიამ.