"სკოლა თავად აირჩევს სწავლების მოდელს" - გადაიდება თუ არა სწავლის დაწყება და რა ცვლილებები ელით მოსწავლეებს?
დღეის მდგომარეობით, სასწავლო პროცესის გადადება არ იგეგმება, - ამის შესახებ ჯანდაცვის მინისტრმა, ეკატერინე ტიკარაძემ საკოორდინაციო საბჭოს სხდომის დასრულების შემდეგ განაცხადა.
მისივე განცხადებით, სასწავლო პროცესის გადადება არ იგეგმება არც უმაღლეს სასწავლებლებში.
„ჩვენ სასწავლო დაწესებულებების მონიტორინგს სრულად ვახორციელებთ. დღეის მდგომარეობით, შემოწმებულია არაერთი სკოლა. აქედან 600-მა სკოლამ დააკმაყოფილა ის მოთხოვნები, რომელიც არის ჩვენგან წარმოდგენილი, დანარჩენებს მიეიცათ მითითება, თუ რა ხარვეზები იყო გამოსასწორებელი იმისთვის, რომ სასწავლო პროცესი უსაფრთხოდ წარიმართოს.
დღეის მდგომარეობით, სასწავლო პროცესის გადადება არ იგეგმება“, - განაცხადა ეკატერინე ტიკარაძემ.
ამასთან, 15 სექტემბერს, სკოლებში საზეიმო ღონისძიებები აღარ გაიმართება. როგორც მთავრობის ადმინისტრაციის უფროსმა ნათია მეზვრიშვილმა განაცხადა, შესაბამისი რეკომენდაცია უწყებათაშორისმა საკოორდინაციო საბჭომ გასცა.
მისივე თქმით, უსაფრთხოებიდან გამომდინარე სკოლებში საზეიმო ღონისძიებები უნდა გაუქმდეს.
განათლების სამინისტროს მიერ შემუშავებული პროტოკოლის მიხედვით, სავალდებულოა, რომ I-IV კლასის მოსწავლეებს გაკვეთილები საკლასო ოთახებში ჩაუტარდეთ, V-დან XII კლასების მოსწავლეებისთვის კი კვირაში რამდენიმე დღე ონლაინ-გაკვეთილების ჩატარებაც არის ნებადართული.
განათლებისა და მეცნიერების სამინისტროს მიერ შემუშავებული რეკომენდაციების მიხედვით, სკოლა თავად ირჩევს სწავლების მოდელს.
კერძოდ, სკოლებს მოსწავლეების უსაფრთხოებისა და ინფრასტრუქტურის გათვალისწინებით შეუძლიათ დანერგონ შერეული ე.წ. ჰიბრიდული მოდელი, რაც გულისხმობს სწავლას როგორც საკლასო ოთახებში, ასევე დისტანციურად, თუმცა, ეს არ შეეხება I-IV კლასის მოსწავლეების სწავლებას, რადგან მათთვის სავალდებულოა, მხოლოდ საკლასო ოთახებში გაკვეთილების ჩატარება.
ამასთან, სკოლის ადმინისტრაციამ შერეული მოდელის დანერგვისას უნდა გაითვალისწინოს, რომ V-VI კლასებში დისტანციური სწავლება შესაძლებელი იქნება კვირაში მაქსიმუმ 1 დღე, VII – XI კლასებში მაქსიმუმ 2 დღე, ხოლო XII კლასში - მაქსიმუმ 3 დღე.
შერეული სწავლების მოდელი შეთანხმებული უნდა იყოს სამინისტროსთან და საგანმანათლებლო რესურსცენტრთან.
"გუკამ ბაკურიანში შვილებთან ერთად დაისვენა, მათთან ერთად იყო ლელას და გიგის ბიჭი" - შეურიგდა თუ არა ლელა კილაძე საპატიმროდან გამოსულ ქმარს?
"სიმპტომი არავის აქვს, ყველა გადასარევად გრძნობს თავს..." - "ტვ პირველის" თანამშრომლებს კორონავირუსზე ტესტირება ჩაუტარდებათ
