ქუთაისში კორონავირუსი სკოლის თანამშრომელს დაუდასტურდა - კონტაქტში მყოფი მასწავლებლები თვითიზოლაციაში არიან

ქუთაისში კორონავირუსი სკოლის თანამშრომელს დაუდასტურდა. ის ქუთაისის 32-ე საჯარო სკოლის ადმინისტრაციაში მუშაობს. არსებული ინფორმაციით, მასთან კონტაქტში მყოფი ყველა მასწავლებელი გაიტესტა და თვითიზოლაციაში გადავიდა.

სკოლის თანამშრომლის დაინფიცირების წყარო ცნობილია და ის ე.წ. ქორწილის კლასტერიდანაა. ის კლინიკაში გუშინ შვილთან და შვილიშვილთან ერთად შეიყვანეს.

ქუთაისის 32-ე საჯარო სკოლაში სწავლის დაწყების გადადებას ამ დროისთვის არ ადასტურებს რესურსცენტრის ხელმძღვანელი მაია ცქიტიშვილი. მისი ინფორმაციით, საკითხი სამინისტროსთან უნდა შეთანხმდეს, თუმცა სწავლის დაწყების გადადებას არ გამორიცხავს.