"თუ ბევრი გახდება ავად კორონავირუსით, სამწუხაროდ, ბევრი გარდაიცვლება" - პაატა იმნაძე
"თუ ბევრი გახდება ავად კორონავირუსით, სამწუხაროდ, ბევრი გარდაიცვლება" - ამის შესახებ დაავადებათა კონტროლის ცენტრის დირექტორის მოადგილემ პაატა იმნაძემ "იმედის" ეთერში განაცხადა.
მისი თქმით, უმრავლესობა დაავადებას უპრობლემოდ გადაიტანს.
"არ გვინდა ბევრი ავადმყოფი იყოს. რაც უფრო მეტი ავადმყოფი იქნება, მით მეტი ჩვენი მოქალაქე დაიღუპება, რომელიც ჩვეულებრივად არ დაიღუპებოდა. ეს უნდა გავითავისოთ ყველამ, თუ გახდება 100 ათასი კაცი ავად, იქედან 1% ბევრია უკვე. არ გვინდა რომ ათასი კაცი მოკვდეს ამ "კოვიდით".
თუ ბევრი გახდება ავად, სამწუხაროდ, ბევრი გარდაიცვლება, თორემ უმრავლესობა, კი ბატონო, გადაიტანს უპრობლემოდ", - ამბობს იმნაძე.
მან კიდევ ერთხელ მოუწოდა საზოგადოებას, დაიცვან სპეციალისტების მიერ გაცემული რეკომენდაციები.
ჩვენი ახლობლები, ჩვენი ხანშიშესული თაობა, ჩვენი თანამოქალაქეები, რომელთაც სხვადასხვა ქრონიკული დაავადებები აქვთ, გავწიროთ?! ხომ არ უნდ გავწიროთ ეს ადამიანები. დავიცვათ ელემენტარული წესები, რომ ამ ადამიანებს მოვუფრთხილდეთ", - განაცხადა იმნაძემ.
უნიკალური აღმოჩენა ჩეჩნეთში - მეჩეთის ნანგრევებში იპოვეს ქვა ასომთავრული წარწერით, პირველი სიტყვა არის "ქრისტე!"
"ლოკომოტივმა" მოსკოვის "დინამო" 2:1 დაამარცხა - როგორ გამოეხმაურა ქართველების გამარჯვებას პრემიერი