"გემო დავკარგე.. მარტო ის გავიგე, რომ თბილი იყო..ზურგი ისევ გაუსაძლისად მტკივა" - რას წერს COVID-19-ით ინფიცირებული ჟურნალისტი ბოქსირებული პალატიდან

"რუსთავი 2"-ის ჟურნალისტი, თეონა ცხომელიძე, რომელსაც COVID-19 დაუდგინდა, ბოქსირებული პალატიდან თავის მდგომარეობისა და ვირუსის სიმპტომების შესახებ წერს.

"მარტივი არ არის ამ ნაცრისფერ ოთახში, ჩემთვის განკუთვნილ ოთხ კვადრატულში დავეტიო... ზურგი ისევ გაუსაძლისად მტკივა, საღამოს ცოტა სუნთქვა გამიძნელდა, ხველა დამეწყო და ინჰალაცია დამჭირდა...დიდად პოზიტიურად მოაზროვნე არ ვარ და წამიღო ცუდმა ფიქრებმა. იღება კარი და ცოტა გაოცებული, გადაფუთული მედდა შემოდის ბუშტებით (უფრო კონცეპტუალური არაფერი მინახავს) და ამანათით 'ცხომელიძე კორონა 6'.

არც ავტორი ეწერა ზედ და არც წერილი ახლდა. ტირილს რომ მოვრჩი, ავიღე ტელეფონი და დავურეკე ქეთის, ამოვიცანი ერთ წამში ან როდის მოახერხე დათას ხელში, ან რამდენი იფუსფურე, მადლობა კი არა, ამ დროს სულ სხვა ეფექტი ქონია ყურადღებას...", - წერს ცხომელიძე.

კიდევ ერთ პოსტში კი ჟურნალისტი წერს, რომ გემოს შეგრძნებაა დაკარგა:

"#კოვიდდადებითი დღე 3.

დღეს ახალი ისაა, რომ მახველებს. უფრო მეტად, ვიდრე გუშინ, მაგრამ არა ძალიან. გემო დავკარგე. ნანამ კიევური გამომიგზავნა და მარტო ის გავიგე, რომ თბილი იყო და ლამაზიც. ჩვენს სართულზე სიმშვიდეა, მე-6-ზე მძიმე პაციენტები არ ყავთ, ექიმები სადღაც სხვაგან არიან. მედდა ლალი დაქრის ზემოთ-ქვემოთ პერიოდულად შემოაკაკუნებს ხოლმე, ხან წამალს ტოვებს კართან გარეთ, ხან საკვებს.დღეში რამდენჯერმე დეზინფექციაა დერეფანში. '-მიდი მალე მოწამლე და ჩაი დავლიოთ' გუშინ მომესმა კახელებს ქონიათ იუმორი კოვიდ-მეზობელი მყავს ველისციხიდან."