უზბეკეთის ვიცე-პრემიერი კორონავირუსით გარდაიცვალა

უზბეკეთის ვიცე-პრემიერი უქტამ ბარნოევი, რომელიც მთავრობაში აგრარულ და სასურსათო სფეროს კურირებდა, კორონავირუსით გარდაიცვალა.

ქვეყნის ოპერატიულ შტაბში განაცხადეს, რომ ბარნოევი 56 წლის იყო და ის კორონავირუსით გამოწვეული გართულებების შედეგად გარდაიცვალა.

ვიცე-პრემიერი კოვიდინფიცირების გამო, საავადმყოფოში ივლისის ბოლოს მოხვდა, მოგვიანებით კი გერმანიაში განაგრძო მკურნალობა. ის თანამდებობაზე მიმდინარე წლის თებერვალში დაინიშნა.

ამ დროისთვის, ქვეყანაში ვირუსით 51 235 ადამიანია დაინფიცირებული, გარდაცვლილია 429 პაციენტი, 47 271 გამოჯანმრთელდა.