საქართველოში კორონავირუსით მე-20 პაციენტი გარდაიცვალა

საქართველოში კორონავირუსით კიდევ ერთი პაციენტი გარდაიცვალა. ამის შესახებ ინფორმაცია მთავრობის მიერ შექმნილ ვებ-გვერდ stopcov.ge-ზე აისახა. შესაბამისად, ეს საქართველოში კორონავირუსით გარდაცვალების მე-20 შემთხვევაა.

ცნობისთვის, დღეს კორონავირუსით ინფიცირების შემთხვევათა რაოდენობა 193-ით გაიზარდა და 3695 გახდა.

რაც შეეხება გამოჯანმრთელებულთა რიცხვს, კორონავირუსისგან კიდევ 40 ადამიანი გამოჯანმრთელდა და მათი რაოდენობა 1534-ს შეადგენს.

ამასთან, უცხოეთიდან სამკურნალოდ გადმოყვანილია საქართველოს 41 მოქალაქე.