"გავრცელებულ ინფორმაციას, რომ ასთმა მაქვს, სრული სიცრუეა" - რას წერს შოთა არველაძე, რომელსაც სწრაფი ტესტის მიხედვით კორონავირუსი დაუდასტურდა

უზბეკურმა მედიამ დღეს გაავრცელა ინფორმაცია იმის შესახებ, რომ საფეხბურთო კლუბ "ფახთაქორის" ქართველ მწვრთნელს, შოთა არველაძეს, კორონავირუსი დაუდასტურდა. აღნიშნულ თემაზე არველაძემ ცოტა ხნის წინ, "ფეისბუქზე" პოსტი გამოაქვეყნა.

"სწრაფი ტესტის მიხედვით, კორონავირუსი დამიდასტურდა. დღეს, PCR ტესტი გავიკეთე და ველოდები საბოლოო პასუხს. ამჟამად იზოლაციაში ვარ, რეგულაციების სრული დაცვით. რაც შეეხება გავრცელებულ ინფორმაციას, რომ ასთმა მაქვს, ეს სრული სიცრუეა. ცხოვრებაში არ მქონია ეს დაავადება. მადლობას გიხდით თბილი მესიჯებისთვის და ყურადღებისთვის", - წერს არველაძე.

ნახეთ, აჩი არველაძის კომენტარი ძმის მდგომარეობის შესახებ: