"კორონავირუსით ინფიცირებული პაციენტების მისაღებად 735 საწოლია თავისუფალი", - ჯანდაცვის სამინისტრო

ჯანდაცვის სამინისტროს ინფორმაციით, 27 სექტემბრის 22:00 საათის მდგომარეობით, მთელი ქვეყნის მასშტაბით, კორონავირუსით ინფიცირებული პაციენტების მისაღებად 735 საწოლია თავისუფალი.

ამის შესახებ "ინტერპრესნიუსს“ ჯანდაცვის სამინისტროში განუცხადეს.

ცნობისთვის, დღეს კორონავირუსის 298 შემთხვევა გამოვლინდა. 148 გამოჯანმრთელდა, სამი პაციენტი კი გარდაიცვალა. კორონავირუსით ინფიცირებულთა აქტიური შემთხვევა 3498-ს შეადგენს.