ვინ იყვნენ და სად მკურნალობდნენ კორონავირუსით გარდაცვლილი პაციენტები

საქართველოში კორონავირუსით გარდაცვლილი 3 პაციენტიდან ორი აჭარაში, ერთი კი თბილისში მკურნალობდა.

გარდაცვლილთაგან ორი 65 და 70 წლის მამაკაცები, ერთი კი 57 წლის ქალია.

სამივე მათგანს თანმხლები დაავადებები აღენიშნებოდა.

ცნობისთვის საქართველოში კორონავირუსით ინფიცირების შემთხვევათა რაოდენობა 298-ით გაიზარდა და 5552 გახდა. რაც შეეხება გამოჯანმრთელებულებს, მათი რაოდენობა 148-ით გაიზარდა და 2054-ს შეადგენს. კარატინის რეჟიმშია 5650 მოქალაქე, სტაციონარში მეთვალყურეობის ქვეშ 836, ხოლო კოვიდსასტუმროებში 800 ადამიანი იმყოფება. ამასთან, უცხოეთიდან სამკურნალოდ გადმოყვანილია საქართველოს 41 მოქალაქე.

ვირუსით ქვეყანაში, საერთო ჯამში, 31 პაციენტია გარდაცვლილი.