ავტორი:

ყარაბაღში შეტაკებები გრძელდება, ომს 9 წლის ბავშვი ემსხვერპლა - რა ვითარებაა ამ დროისთვის კონფლიქტის ზონაში

ყარაბაღში შეტაკებები გრძელდება, ომს 9 წლის ბავშვი ემსხვერპლა - რა ვითარებაა ამ დროისთვის კონფლიქტის ზონაში

სომხეთისა და აზერბაიჯანის ოფიციალური პირები იუწყებიან, რომ მთიან ყარაბაღში შეტაკებები მთელი ღამის განმავლობაში მიმდინარეობდა და შეტაკებები ამ დრომდე გრძელდება.

სომხეთის თავდაცვის სამინისტროს პრესსპიკერის, შუშან სტეპანიანის განცხადებით, სხვადასხვა ინტენსივობის ბრძოლები ამ დრომდე გრძელდება. მისივე ინფორმაციით, სომხურმა დანაყოფებმა აზერბაიჯანის შეტევა მოიგერიეს.

"სომხურმა დანაყოფებმა აზერბაიჯანის ძალების შეტევა მოიგერიეს და საწინააღმდეგო ზომები მიიღეს, რითაც მოწინააღმდეგეს დიდი ზარალი მიაყენეს როგორც ცოცხალი ძალის, ისე სამხედრო ტექნიკის მხრივ, კერძოდ, მათ ჯავშანტექნიკის შემტევი ჯგუფი გაანადგურეს,“ - აღნიშნა სტეპანიანმა.

აზერბაიჯანის თავდაცვის უწყების ინფორმაციით კი, ინტენსიური ბრძოლა მთელი ღამის განმავლობაში გრძელდებოდა და სომხურ მხარეს მნიშვნელოვანი დანაკარგი აქვს.

"მტრის ერთი ტანკი, ერთი საბრძოლო მანქანა და 10 ჯარისკაცი, რომელიც ფუზული-ჯაბრაიის მიმართულებით გადაადგილებას ცდილობდა, საარტილერიო ცეცხლით განადგურდნენ. მტერმა დიდი ზარალი განიცადა“, - აცხადებენ აზერბაიჯანის თავდაცვის უწყებაში.

აღსანიშნავია, რომ სომხური მედია მთიან ყარაბაღში აზერბაიჯანის მხრიდან სროლების შედეგად ცხრა წლის ბავშვის გარდაცვალების შესახებ წერს. სომხეთის საზოგადოებრივი მაუწყებლის ინფორმაციით, ბავშვის დედა დაჭრილია. ის ორივე ფეხში მაშინ დაჭრეს, როდესაც ბავშვთან ერთად სახლს ტოვებდა (წყარო)

მთიან ყარაბაღში საბრძოლო მოქმედებები 27 სექტემბერს განახლდა. სომხეთსა და აზერბაიჯანში საომარი მდგომარეობა და საყოველთაო მობილიზაციაა გამოცხადებული. მხარეებს მსოფლიოს ქვეყნების ლიდერები ცეცხლის შეწყვეტისკენ და მშვიდოაბიანი მოლაპარაკებებისკენ მოუწოდებენ, თუმცა ამ დრომდე ყარაბაღში ვითარება დაძაბულია.

სომხეთში აცხადებენ, რომ აზერბაიჯანი ფრონტის ხაზის გარღვევას უშედეგოდ ცდილობს, აზერბაიჯანი კი ყარაბაღიდან სომხების განდევნაზე იუწყება - ვითარება კონფლიქტის ზონაში

დონალდ ტრამპმა საავადმყოფო რამდენიმე წუთით დატოვა და მხარდამჭერებს მიესალმა - "კოვიდის შესახებ ბევრი რამ ვისწავლე. ძალიან საინტერესო რამაა“

"აზერბაიჯანელმა ჯარისკაცებმა სომხები ძაღლებივით გააძევეს... მათ ტანკებს ვმართავთ, მათი იარაღები ჩვენს ხელშია" - ილჰამ ალიევი