"ბიჭები ხელვაჩაურში მეგობართან სტუმრად იყვნენ..." - რას ჰყვებიან ადგილობრივები მეწყერში მოყოლილ ახალგაზრდებზე

ხელვაჩაურში სოფელ ჯოჭოში მსუბუქ ავტომობილში ნაპოვნი ცხედრების იდენტიფიცირება მიმდინარეობს. როგორც აჭარის პოლიციის დეპარტამენტის უფროსმა კონსტანტინე ანანიაშვილმა განაცხადა, სამი ადამიანის სამძებრო სამუშაოები, რომლებიც მიწის მასამ სახლთან ერთად მოიყოლა, ამ დრომდე გრძელდება.

მისი განცხადებით, სამძებრო სამუშაოებს ხელს უამინდობა უშლის, თუმცა სამუშაოები გაგრძელდება.

"ბიჭები მეგობართან სტუმრად იყვნენ ამოსულები, მოძრაობისას გზაზე ხის გამო შეფერხება შეიქმნა, ისინი ხის გადატანას გეგმავდნენ და გზის გაგრძელებას, სწორედ ამ დროს მიწის მასა ჩამოწვა და ბიჭების ჩაიყოლა", - აცხადებენ სოფელში მცხოვრებლები.

სამაშველო სამსახურის თანამშრომლებმა ჯერჯერობით გაუჩინარებული ერთი ოჯახის პირადი ნივთები, არასრუწლოვანის: მედლები, წიგნები და ტანსაცმელი იპოვა. სამძებრო სამუშაობში 200-მდე მაშველი-მეხანძრე არის ჩართული.თავის მხრივ, გეოლოგები აცხადებენ, რომ აღნიშნული ტერიტორია მეწყერ საშიში ზონა.